يا قيس : طش الشداد ونوخ الضمر..

[خلف الغريب]

أسهرت عين القلم حتى غفا الدفتر=وخيل القوافي تعب خيالها الماهر
السرج خالي ومات حصاني الأشقر=وغابت عن أسماع قلبي دقّة الحافر
السيف طايح عسى ماشر يا عنتر=ماهي عوايدك تغمد سيفك الباتر
من بعد ماكان سيفك باللقا مشهر=خاض المعارك وعوّد بعدها خاسر
سمعي قصر عن عتابك كيف ما يقصر ؟=والعين دونك يعوّد طرفها الساهر
لو حاول يعاتب الأحباب ! ما يقدر=إثر الغلا .. يترك القادر مهو قادر
اشوف مغربك مشـرق . وايمنـك ايسـر=واشـوف آخـرك أول . واولـك آخــر
صارت عيوبك مزايـا , والبـلا الأكبـر:=انـي اشـوف المزايـا عيـوب بالآخـر
قلـب منحـك الغـلا والحـب مـا قصـر=ضمد جروحه وغنى ( لا متـى صابـر )
اغمـدت خنجـرك فـي شريانـه الابهـر=ونزعتها وانت فـي ليـل الجفـا سامـر
ما اطيعهم لو حكوا عـن غـدرة الخنجـر=الغـادر اللـي طعـن بالخنجـر الـغـادر
ملّتك الاسفار مـن مهجـر إلـى مهجـر=متى تبطل عـن الأسفـار يـا مسافـر ؟؟
يا قيس طش الشداد و نوّخ الضمـر=ليلاك خانت , وراحت مع بني عامر

[داعي الشوق]

صح لسانك ملايييييييين يالشاعر خلف

معاني جميلة ترجمة معنى الاحساس

شاعر جزل ومعروف بالابداع و الجزالة

لله دررررررررررك

وصح لسانك مع التقدير لك

،،،،،،،،،،،،،،،،

[الطائر المهاجر]

سلمت
وصح لسانك وفكرك
جزلة من راس جزل
لاهنت
تحياتي

[مشعل السلمان]

خلف الغريب

نص يحمل بين طياته
فلسفه جنونيه
وروعه مابعدها روعه
في الحقيقه نص يجبرنا
على العوده مراراً وتكراراً
لله درك من شاعر
ابدعت وامتعت ومن ثم اقنعت
لاهنت على هذه الدرر المتناثره
صح لسانك وكلك يالنشمي
فائق الود والتقدير

[سعود العضياني]

صح السانك وبيض الله وجهك


نص جزل من رأس جزل


دمت ولاهنت

[عمر ال شيبي]

الله

عليك
سلم قلبك وصح لسانك

[منيع]

ابدعت بهذه الابيات الراقيه
شكرا لك ولحرفك البديع
تحياتي وتقديري

[عبدالرحمن بن زهير]

صح الله لسانك ياخلف على هذا الخيال والحس الشعري المميز

[عذب القوافي]

صح لسانك أخوي نص وافي من وافي

تقديري ,,,,,,,

[بنت العز]

صح السانك وبيض الله وجهك


نص جزل من رأس جزل

يعطيك العافيه
تحياتي