الغيــــــاب

[بندر الشاطري]

ياصغر قدرك يالفرح من بعد ما حل الغياب=احس بوجودك ولكن ماتساوي اي شي
من بعد ماضاقت زوايا دنيتي من دون باب=ثم طاحت اوراقي دموع ولفت ضلوعي علي
وين انت ياغايب تشوف الحال من فوق التراب=وين انت ياللي مايفارقني خيالك وانت حي
الحال ضاقبه النظر متعكز وهمه شباب=وطيوره تحوم السما تبغا تعشى الحال ني
ماعاد للصرخه صدى والعين متعبها السراب=يخالط دموعه عرق واكبر طموحه شوف في
لا شم ريح الموت شاف بصورتك قطرة شراب=ولا ضاقت انفاسه رسم في هالفضاء صورتك ضي
مااصعب من المكتوب عندي غير عنوان الكتاب=ولا اقسى من ايام الفراق الا دموع العين ذي
تبكي معي سجادتي لاقلت يالله الثواب=واحس من حولي نفس يبكي معي ويحس بي
ياعقاب هذا اللي فراقه لا طرى بيتك يجاب=لو قلت هذا اللي غيابه عادي بعده كل شي
مايثقل الكاهل كذا الا اذا شفت السحاب=اقفى وانا اشوف المزارع تنتظر مشروع ري
ماعاد للفرحه مكان بداخلي بعد الغياب=اهديتها قلوب البشر واخذت كل الحزن لي

وسلامتكم


بندر
.
.
.
الشاطري

[نجم الإبداع]

الله الله
صح لسانك يابندر
مصافحه راقيه
لاهنت
تقبل مروري
وتقديري

[الطائر المهاجر]

سلمت وصح لسانك
واعتلى شأنك
نص رائع من شاعر رائع
لاهنت يابندر
دمت بخبر

[ناصر عبيد الهواوي]

الشاعر بندر الله لايهينك
شامخة معنى ومبنى
رائعة جدا
لله درك ولا فض فوك
تحياتي واعجابي والسلام

[منيع]

ياسلام عليك
ابيات ولااروع
شكرا لكم
تحيتي

[حي الضمير]

صح لسانك وعلا شانك
قصيده رائعه
ولا عدمنااااك
أجزل التحايا والاحترام يامميز

[سناعيس]

الشاعر بندر الشاطري
صح لسانك وبيض الله وجهك
على هذه الرائعه
لاهنت


تحياتي

[الـزلـزال]

بندر الشاطري
بوح رائع ومميز
من شاعر متميز في كل مايقدمه
أبدعت شاعرنا بكل جزاله
صح لسانك ملايين ملايين
ولك فائق تحياتي وتقديري

[عدنان كريزم]

صح لسانك ولا هنت

[زهرة اللوتس]

الشاعر بندر الشاطري
صح لسانك وبيض الله وجهك
على هذه الرائعه
لاهنت


تحياتي