ياذا الهبوب

[ابو أنس]

ياذا الهبوب ان كان بك غيره وسمت=بـالك تلاقي صاحبي او تقفّا ه
اخشى عليه من المقاريد والنحت=واخاف من عين اشهب(ن)حسده اغواه
واخشى على نفسي اذا مر بي تهت=أضيّع رباط العقل واتبع خطاه
سبحان رب(ن)صوره تله وخبت=ما احلا تضاريسه وما ابهى ثناياه
الى مشى يرتج ..صحت وتنهّت=يهتز قلبي كل ما حرك خطاه
ياذا الهبوب اسرفت بالحيل واجرمت=فاتن بدون انك تحدّه وتقصاه
ليتك ترفق به والى اقبلت نسّمت=يفوح عطره في اول السوق وادناه
واتخيـل العالـم لهيبته وقـفت=كلـن رفـع طـاقيتته له وحيـــاه
والكل تمتم يذكر الله في صمت=في خاطره رغبه ومنوه ومشهاه
احدن يبيه ويرتــجي لو تلفــّت=واحدن كلت من قلبه الغيره وتاه

[ماجد الزيد]

صححححححححححح الله لسانك يابو انس كايفه كايفه كايفه
والله اروع ماقرأت اليوم لله درك
ما ادري وش انسخ منها كلها روعه
دمت بعز

[مبروك بن ماضي]

اخوي المبدع :
الشاعر / ابو أنس
الف صح لسانك على هذه الرااائعه ..
قصيدة جزله من راس جزل
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[حي الضمير]

الشاعر العذب ابو أنس
صح لسانك ...نص راقي حيل
سجل اعجابي يامبدع

قصيدة رائعة

متفوق دائما

تمنياتي القلبية لك بمزيد من النجاح والتميز

[ابومياس]

اخشى عليه مـن المقاريـد والنحـت
00000000000واخاف من عين اشهب(ن)حسده اغواه

حصنه يابو انس

اقر عليه المعوذتين وايه الكرسي

ترى الشهبان كثار

نص جميل الاسلوب جزل المعنى

صح لسانك يالغالي ودام حرفك

دمت بخير

[داعي الشوق]

صح لسانك يا ابو انس

إبداع متجدد ومتخصص به

صح لسانك مرة ثانية

تحياتي مع التقدير لك ،،،

سلمت وسلم لنا قلمك

يعطيك ألف عافيه

لاخلى ولاعدم

[البسام]

إبداع في إبداع

وقصيدة رآئعه

صح فكرك واحساسك

ولاهان راسك

تحيتي وتقديرى

[حوريه]

أبـو أنـــــــس

صح الله .......قلبك .......وفكرك......وكلك....


قصيده ولا أروووووووع أسجل أعجابي وتقديري لما نثرته أناملك بين سطورك الرااااااااقيه


دمــــــت وســـــــــلمت


حــــوريـــــــه