الجرس

[ناصر عبيد الهواوي]

تذكرت واعملت الخواطر وحنا صغار=طواري بعد ما قل من جونا الونس
يوم انا نحط العابنا من علب واحجار=ونقول الحجر بعير والقوطي الفرس
ويبحر خيال الطفل فيما يدور ابحار=يطرد لعابيبه والى ما تعب جلس
تذكرت درس ٍبالقرآءة وفكري حار=يشابه لهذا الوضع يا حالة الفلس
الابطال بالموضوع قطة وكم ٍفار=تسلط عليهم كلما قرب الغلس
تراقب مواقعهم وتضرب عليها حصار=ومن شذ من جهال هالشلة انفرس
تعالى ابكاهم دمعهم ينهمر مدرار=غدا حالهم مزري ومقدورهم تعس
نفد صبرهم والعقل من روسهم قد طار=وقالوا ندور حل في حظنا النحس
وين الحاذق الموهوب والشاطر البيطار=يخطط ويحبك خطته ما نبي حدس
تنادوا وصار الكل في حالة استنفار=وتعرض على لجنة خططهم وتندرس
عرض خطته فرفور تقضي بوضع انذار=والى جا العدو من يسمع الصوت يحترس
وقال اشتروا ناقوس من بسطة التجار=تعلق بعنق الهر في الصبح لا نعس
اجيزت وبالتنفيذ دار الجدال ودار=ولا أحد ٍ تبرع منهم يعلق الجرس
وصارت سعيدى كل ليلة تعشى فار=وهذا من الموضوع هو مربط الفرس

[يوسف الشقران]

اخوي ناصر

اسعدني تواجدي هنا

لاهنت

ولك التحيه والتقدير

ناصر عبيد

صح الله الساانك واعتلااا شاانك

قصيده طيبه

لا هنت

موج القصيد

[محمد عبدالله البدراني]

ناصر الله عليك


وصارت سعيدى كل ليلة تعشى فار
وهذا من الموضوع هو مربط الفرس



اههههههههههههههه


ياحليلها سعيدي ماقصرت



مليون صح السانك



ولاهنت يابو عبيد


بيض الله وجهك


ولله دررررررررررررك


تحيتي وتقديري

[سعود المسعد]

ناصرالهواوي
صح لسانك يامبدع
شاعر متمكن
لك ودي ومتابعتي

[الطامي]

الهواوي
صح السانك ملايين وملايين
والله انني قدلعبتها القوطي والفرس
ههههههههههههههه
لافض قوك اخي

[عبدالعزيز العمار]

ناصر الهواوي...

صح لسانك وعاشت ايامك ...

قصيدة طيبه وجزله من شاعر جزل ...

تقبل اجمل تحياتي ...

[زهرة اللوتس]

الشاعر // الهواوي
سلمت وصح لسانك
جزلة من شاعر جزل
تحياتي
وتقديري

[عدنان كريزم]

الله الله يا الهواوي

صح لسانك

ولا هنت

تحيتي

[سناعيس]

صح لسانك يالهواوي
وبيض الله وجهك
جزل لله درك


تحياتي