قصيدة مدح وثناء...

[ضعيان البدرانى]

بسم الله الرحمن الرحيم

اقدم لكم هذة القصيدة المتواضعة لعلها تنال استحسانكم

والقصيدة في الاخ:عوض بن عايض العضيله... "ابوطلال"

لما لقيت في هذا الرجل من الصفات الحميدة التي يدعو لها الدين الحنيف

وعادات العرب الكريمة وليس بمستغرب على قبيلة مطير العزيزة

حي الاصيل مقدر الجار تقدير=من طيب حظه كاسب" للجمايل
أول كلامه مرحبا بالمسايير=كلام" احلى من قراح الثمايل
تلقى السوالف والدلال المباهير= حي" نباه ولايجيب الهزايل
حر" نداوي مايصيد العصافير=يحفظ سلوم الطيبين الاوايل
والله لو بسطرالطيب تسطير=في حضرته ماحصيت كل الشمايل
ياطيب طيبه يالرجال المناعير=ولاقيل منهو قلت راع الفضايل
عوض مقر الجود زبن المخاسير=من عزوة" تتعب ظهور الأصايل
حمر النواظر حي ذيك الطوابير=عزوة نهار الكون تبرى الغلايل
يوم العرب مابين مهزوم ومغير=اهل الثلاث المعجزات الهوايل
قلته وانا من روس قوم" مشاهير=حرب الوفا واهل السيوف الصقايل
يشهدلنا بالفعل حد البواتير=حد الويصق يوم ضرب السلايل
ويشهدلنا بالفعل راس المغاوير=ابن رشيد اللي حكم ضلع حايل
جانا يبى سود" تشوق النواضير=سود الجهام معبسات الشمايل
وأقفى معيف وراضي" بالمخاسير =هذا فعول الفخر يوم الفعايل
من قو هيبتنا نفك المعاشير=بدس الحرار وفعلنا بالدلايل
والضيف لاجانا مايلحقه تقصير=يقلط على بن" يماني وحايل
فعل" لحجرف في نهار المعاسير=وفعل" لابن ناحل مقر الجزايل
من دون من قاصر بالرجال المناعير=الطيب قسم" بين روس الحمايل
واليوم حل الامن والوقت في خير=من فضل رب البيت منشي المخايل
وحنا على درب الهدى نكمل السير=نحفظ سلوم الطيب والراس طايل
وختامها يالله يارازق الطير=تحفظ هل العادات فخر القبايل

[ام العمده]

ضعيان البدرانــــــــــي

صح صح لسانك واعتلا شانك

لاهان راسك

رائعه من روائعك

ابدعت بهذه الشامخه

دمت بخير

[حوريه]

ضعيان البدراني

ونعم بك وبقبيلتك

قصيده راائعه وجزله

من شاعر جزل

صح لساانك

ولااااهنتــ.....

.

[سعود المسعد]

ضعيان البدرانــــــــــي

صح صح لسانك واعتلا شانك

لاهان راسك

[الآكيد]

صح صح لسانك واعتلا شانك

لاهان راسك

[الـزلـزال]

واليوم حل الامن والوقت في خيـر=من فضل رب البيت منشي المخايل
وحنا على درب الهدى نكمل السير=نحفظ سلوم الطيب والراس طايـل

ضعيان البدراني
قصيدة مدح رائعه ومتقنه
من شاعر أبدع فيما قدمة بين نواظرنا
يستاهل الممدوح كل هذا الثناء
وتستاهل قبيله حرب المدح
والنعم فيك وفي قبيلتك غالينا
صح لسانك ملايين ملايين
ولك فائق تحياتي وتقديري

[حي الضمير]

صح لسانك وعلا شانك
سلمت يمينك
قصيده رائعه
مبدع لا عدمناك
أجزل التحايا والاحترام يامميز

[نفحات حساسة]

صح لسانك..البدرانى
ولا هنت ..
مدح راقى..وكلمات ارقى
الله يعطيك العافيه..

[نجم الإبداع]

ارحب ياضعيان

وصح لسانك على القصيده الوافيه

وونعم بك وبعوض العضيله

مدحت من يستحق

لاهنت

تقبل مروري

وتقديري

[ابومياس]

الطيب يستاهل المدح

قصيدة وافية من وافي

صح لسانك لاهنت