تدري وش اللي يمرض الحر بسكات

[الطائر المهاجر]

تدري وش اللي يمرض الحر بسكات = انه يشوف البوم هالوقت مطلوب
وتدري وش اللي يحرق الحر بآهات = انه يشوف الوضع بالحيل مقلوب
من وين ما حلّق ولو للمجرات = يشوف ان العدل في الكون مسلوب
في غابةٍ فيها جميل النباتات= ومن خلفها شاذب وناهب ومنهوب
عم الفساد ولا بقى به امانات= والدين من اجل السياسات مركوب
والناس لاجل المال تركض زرافات= واللي فقير من القواميس مشطوب
حتى ولو كسب الرجل بالدناءات= يصير شيخ وله مناديب و ندوب
تجارته ناقه وشاة وحبيبات = وتيس يقول انه من العام محلوب
واللي يخاف الله من الفقر يقتات= ساكن اجار من الديايين مطلوب
كبروا عياله حاملين الشهادات= ومحدٍ يبيهم حظهم دوم منكوب
غابه مليئه من صنوف العمالات= من كل وافد يشتغل خلف دبدوب
غابه غنيه من جميع العقارات= وشبوك ممتده حمى كل مهيوب
فيها مناجم يعرفوها الخواجات= ياما نشروا ف "النت" تقرير مكتوب
و سبعين ف الميه قروض واجارات= وسبعين ف الميه منافق ومحسوب
والبعض يبحث عن رشاوي واتاوات= وبعض المشايخ يصدر لصك مكذوب
وحتى العهر موجود بالاستراحات = وفي شقةٍ مفروشة كلها ذنوب
وغزو الحبش موجود منهم الوفات= في كل بقعه يصنعوا خس مشروب
واليا انسرق بيتك وموترك بالذات= فمثلك كثير ولليمن سارت جيوب
نار الفساد اليا بدت ماتبي اثبات= تشمل جميع الوضع مادام مقلوب

[منيع]

صورت وابدعت والحقيقة فيما تناولت من ابيات من صميم الواقع الاليم
والمشتكى لله
شكرا لك
تحياتي

[داعي الشوق]

صح لسانك و طاب حالك

صوره جميلة لواقع غير جميل

ابدعت في ذلك يا مبدع

و صح لسانك ملاييين

ولاهنت

[مشعل التريباني]

المشاركة الأصلية كتبت بواسطة الطائر المهاجر

تدري وش اللي يمرض الحر بسكات = انه يشوف البوم هالوقت مطلوب
وتدري وش اللي يحرق الحر بآهات = انه يشوف الوضع بالحيل مقلوب
من وين ما حلّق ولو للمجرات = يشوف ان العدل في الكون مسلوب
في غابةٍ فيها جميل النباتات= ومن خلفها شاذب وناهب ومنهوب
عم الفساد ولا بقى به امانات= والدين من اجل السياسات مركوب
والناس لاجل المال تركض زرافات= واللي فقير من القواميس مشطوب
حتى ولو كسب الرجل بالدناءات= يصير شيخ وله مناديب و ندوب
تجارته ناقه وشاة وحبيبات = وتيس يقول انه من العام محلوب
واللي يخاف الله من الفقر يقتات= ساكن اجار من الديايين مطلوب
كبروا عياله حاملين الشهادات= ومحدٍ يبيهم حظهم دوم منكوب
غابه مليئه من صنوف العمالات= من كل وافد يشتغل خلف دبدوب
غابه غنيه من جميع العقارات= وشبوك ممتده حمى كل مهيوب
فيها مناجم يعرفوها الخواجات= ياما نشروا ف "النت" تقرير مكتوب
و سبعين ف الميه قروض واجارات= وسبعين ف الميه منافق ومحسوب
والبعض يبحث عن رشاوي واتاوات= وبعض المشايخ يصدر لصك مكذوب
وحتى العهر موجود بالاستراحات = وفي شقةٍ مفروشة كلها ذنوب
وغزو الحبش موجود منهم الوفات= في كل بقعه يصنعوا خس مشروب
واليا انسرق بيتك وموترك بالذات= فمثلك كثير ولليمن سارت جيوب
نار الفساد اليا بدت ماتبي اثبات= تشمل جميع الوضع مادام مقلوب

الطائر المهاجر
لافظ فوك على هذه الفاتنه
صراحه قصيده رائعه اقل مايقال
عنها انها من العيار الثقيل تحياتي
لشخصك الريم يالطائر

[بنت النور]

واقع لبد منه يعطيك العافيه
صح لسانك مليون

لاهنت
حياتي وتقديري

[نجم الإبداع]

صح لسانك والله يصلح الحال طائرنا

لاهنت

[عيادة الجهيلي]

الله الله الله الله الله الله ياسلام ياسلام ياسلام لله درك ياشيخ لله درك

[الخنساء]

عـــم الـفـسـاد ولا بــقــى بــــه امــانــات

والديـن مـن اجـل السياسـات مـركـوب

والنـاس لاجـل المـال تركـض زرافــات

واللـي فقيـر مـن القواميـس مشطـوب

حـتـى ولــو كـسـب الـرجـل بالـدنـاءات

يصـيـر شـيـخ ولــه منـاديـب و نــدوب

تــجــارتــه نـــاقـــه وشــــــاة وحـبـيــبــات

وتيـس يقـول انـه مـن العـام محـلـوب

واللـي يـخـاف الله مــن الفـقـر يقـتـات

سـاكـن اجــار مــن الديايـيـن مـطـلـوب

كــبــروا عـيـالــه حـامـلـيـن الـشـهــادات

ومـحــدٍ يبـيـهـم حـظـهـم دوم مـنـكــوب

غـابـه مليـئـه مــن صـنـوف العـمـالات

مـن كـل وافــد يشتـغـل خـلـف دبــدوب

غـابــه غـنـيـه مـــن جـمـيــع الـعـقــارات

وشـبـوك ممـتـده حـمــى كـــل مـهـيـوب

فـيـهــا مـنـاجــم يـعـرفـوهـا الـخــواجــات

ياما نشروا ف "النـت" تقريـر مكتـوب

و سبعين ف الميـه قـروض واجـارات

وسبعيـن ف الميـه منافـق ومحسـوب

والبعض يبحث عـن رشـاوي واتـاوات

وبعض المشايخ يصدر لصك مكذوب

وحـتـى العـهـر مـوجـود بالاسـتـراحـات

وفـــي شـقــةٍ مـفـروشـة كـلـهـا ذنــــوب

وغـزو الحبـش موجـود منهـم الوفـات

في كل بقعـه يصنعـوا خـس مشـروب

واليـا انسـرق بيـتـك ومـوتـرك بـالـذات

فمثـلـك كثـيـر ولليـمـن ســارت جـيـوب

نـار الفسـاد الـيـا بــدت ماتـبـي اثـبـات

تشمـل جميـع الـوضـع مــادام مقـلـوب

صح لسانك مليووووووووووون ولن يكفون

قصيدة جزلة من شاعر حكيم صادق المشاعر

ولكن التفاؤل لابد ان يكون موجود فالله معهم ولن

ينسي الطيبين

سلمت ودام حرفك

[هترل]

االله المستعان
وصح لسانك يادكتور واعتلا شانك
ابداع هو متصفح لاهنت شاعرنا القدير

تحياتي وتقديري

[ساهر الليل]

صح لسانك يا الطائر

ابدعت فيما نظمت

وتنشد عن الحال هذا هو الحال

قصيده رائعه تلامس الواقع

لاهنت شاعرنا

تقبل تحياتي