ترى هذا شعوري وانطباعـي

[فارس القوافي]

يجيني شوق مدري وش يجيبـه =ويدعيني بتالـي الليـل داعـي
واسولف عنك واحلم بك قريبـه =ويفضح لهفتـي زود اندفاعـي
سرقني الوقت من دنيـا غريبـه =وجيتك روح في عصر الضياعي
اهلّـي بـك وانـادي ياحبيبـه =واعطّر صيحتي وافرد ذراعي
واشوفك وردتي بارضٍ رحيبـه =وحيده في سكوني واجتماعـي
تعالي لملمي اجـروحٍ عجيبـه =وهزّي الشوق يمطر لك بساعي
تعالي واسقي الـروح العطيبـه =تجرّعني الضما شرّ اجتراعي
انا روحي مـن الدنيـا صويبـه =وطول الوقت وآنا في نزاعـي
لقيتك في زمـن ياكبـر عيبـه =كُثر فيـه التمـرّد والخداعـي
وانا خايف تصيب الروح خيبـه =واضيّع مركبي ويّـا شراعـي
طبيبه وادري انـك لـي طبيبـه =ترى هذا شعوري وانطباعـي
حقيقة قلب مـا حـيٍّ دري بـه =يحبّك بسّ ! خايف ما تراعـي

[الأموره]

الله ،، الله

صح لسانك ملايين ،،

سلم بوحك و دام نبضك يالشاعر ،،

كلمات عذبه ،،

الف شكر لك ،،

دمت برعاية الخالق ،،

[مبروك بن ماضي]

الاخ الفاضل الشاعر / خالد بن منشار
لله درك من شاعر متمكن
لطالما أستمتعنا بجمال حرفك وروعة أسلوبك
دامت شاعريتك بهذا الابداع وهذة الجزاله
سجل اعجابي وتفضل بقبول تحياتي
أخوك / بن مـــــــــاضي

[منيع]

الشاعر خالد بن منشار
شعور وانطباع رائعين
سلمت ولاندمت
تحياتي

[ابوعزيز]

عذبة تستحق الإشاده

ورائعة تستحق الإعجاب

صح لسانك وسلم راسك

[يوسف الصالح]

صح لسانك ولاهنت

قصيده جميله يعطيك العافيه

[صعبة المنال]

سلاسة
احساس
حضور

اسجل حضورى واعجابى


صح لسانك

صعبة المنال

[المتجاسر]

روعه والله
تسلم ايديك

كلمات رائعة

و معاني جميله و صادقه

كلمات جميله و اسلوب راقٍ

سلم فكرك الرائع و بوحك المميز