عطيتني وأخجلتني فـي عطاياك

[بنت النور]

السلام عليكم ورحمة الله وبركاته

أسعد الله صباحكــمـ / مسائكـمـ

مما رآآآق لي






ياقلب تفعل بس أبنشدك وش جاك
اللي استفدت هموم وطعون وعيون

ياقــل صـدقانك ويامكثر أعــداك
وأغلب هقاويك فقاعات صابوون

اللي تــوقعــته معاديــك صافــاك
واللــي تراهن في وفاهم يخونوون

واللي ذكــرته بد هالنــاس ينساك
ياليت بس ينسى!! يجازيك بطعوون

ياقلب لـو كلـ(ن) يسوي سواياك
مافيه رجالـ(ن) من الضيم مغبوون

الله عطاك ونحمده يومه أعطاك
والله يحــب اللي بفضله يحـمدوون

الحمـدلك تعــداد دورات الأفلاك
والحمدلك عدد حجيجـ(ن) يلبوون

والحمد لك عدد عطاياك ومزاياك
والحمدلك عدد كلامـ(ن) يقولوون

عطيتني وأخجلتني فـي عطاياك
وجملتني بالعقل والشكل واللوون

فـ يالله جملني مـعك يـوم لقيـاك
ولاتجعلــ(ن) يالله من اللي يخسرون

يالادمي لو طال عمرك ومبناك
لابد في يومـ(ن) مكفن ومدفوون

جابتك أمك والعرب تسمع بكاك
والناس حولك من فرحهم يهلوون

خلك ليـامنه حظـر يـوم فرقـاك
تضحك وكل اللي حواليك يبكوون


عبد الكريم الجباري

صح لسان الشاعر ،، وشكرا لك همسات على النقل المميز ،، ويعطيك العافيه

تحياتي

[داعي الشوق]

صح لسان الجباري

و يعطيك العافية همساات

قصيدة تستاهل النقل

[بنت النور]

الله يعافيك
أولا احب اشكر على ردك متصفحي


تحيتي اليك " زهرة الياسمين

[بنت النور]

الله يعافيك
أولا احب اشكر على ردك متصفحي


تحيتي اليك " داعي الشوق

[الطامي]

همسات
صح السان الشاعر
وشكرا على النقل والاختيار المميز
لاهنتي اختي

[بنت النور]

الله يعافيك
أولا احب اشكر على ردك متصفحي


تحيتي اليك " الطامي

[منيع]

رائعة
شكرا لك
تحياتي

[بنت النور]

الله يعافيك
أولا احب اشكر على ردك متصفحي


تحيتي اليك " منيع