نتائج مسابقه الفطاحلة الشعريه الأولى

[الطائر المهاجر]

عدد الشعراء المصوتين ستة شعراء
هم كل من : منيع/فارس القوافي/حي الضمير/عبدالله الثويني/هاوي نجد/احمد القاسم ، (حيث تم استبعاد تصوبت من لم يعرف كشاعر ولم يسبق له نشر قصائد من بدعه في الهمس)
بناء على تصويتهم جاءت نتائج المراكز الثلاثة الأولى كما يلي :

1- عبد العزيز البليهد
المركز الأول = 1 + 1 + 1 + 1 = 4
المركز الثاني = 0
المركز الثالث = 1
المجموع = 5
قصيدته الفائزة بالمركز الأول

الزين زين ولو لباسه من الخيش=والشين شين ولو تزين بالألماس
لو تلبس الغالي من اللبس حتيش!!=ياصار عرضه قد تعرض للادناس
ومن تلبس العفه عسى ذكره ايعيش=مصيونتن عن كل هافي وهلاس
عمر الأصايل مازهت بالدناديش=والزبرقه ماكلها تخدع الناس
الله على اللي خدها مابعد نيش = مالوثه مكياج ميكب ولاساس
وشعره طبيعي لو تقضه عكاريش= ماكل يومٍ بالكوافير له راس
يابنت لايغويك طبع المخاريش= الي لها بالسوق سوعه ومرواس
وبالبيت ماتحسن ولا خبزة العيش=كل الحياة بزعمها عقد ولباس
هذيك ملفاه الرخم بعله اكديش=ماغير يصرف دون حسبه ومقياس
تقليدن ا عمى للعجم والدراويش=والراس خاوي جعل راعيه ينداس

وقد استقحت القصيدة كأس المسابقه


ــــــــــــــــــــــــــــــ ـــــــــــــــ


2-داعي الشوق
المركز الأول = 1
المركز الثاني = 1+1
المركز الثالث = 1+1
المجموع = 5
قصيدته الفائزة بالمركز الثاني

( الزين زين ولو لباسه من الخيش=والشين شين ولو تزيّن بالالماس )
كلن على مبداه في ذوقه يعيش=لو كان ذوق الزين معروف للناس
الزين لو نطوي عشانه مطاريش=نقضي لوازيمه على العين و الراس
لو الحرس من دونها و دونها جيش=ما شال هم حدودها قلب حساس
كل الهدف رضياه من دون تهميش =الحاجته نصرف من المال باكياس
ما يشكي المخبى ولا قال له ليش =الزين له عند المخاليق مقياس
و الشين لو يلبس على راسه الريش=و يصبغ من المكياج وجهه بملاس
ما زاد في حلياه لو كان حتيش=لا وجه بالمجلس ولا طيب مجلاس

وقد استحقت كأس المركز الثاني



ــــــــــــــــــــــــــــــ ـــــــــــــــــــــــ
3-عمر آل شيبي
المركز الأول = 1
المركز الثاني= 1+1
المركز الثالث = 1
المجموع = 4

قصديته الفائزة بالمركز الثالث

الزين زين ولو لباسه من الخيش = والشين شين ولو تزيّن بالالماس
يا مبرّجات الوجه بعض الخرابيش = حومر وبودر فوق طيّن لملباس
شكل الرسوم اللي تزاحم محاريش=لجل الحلا تقليد اعمى لنسناس
يوم الحلا بالزيف درب المغاشيش=تخفن سمات النور مسكن لوسواس
يجلب عثا بالنفس صيد المحابيش =فتنه وسواد البين خيم على اقواس
لا هيْب سوالم مال لا هيْب مفاريش= متبوعها الغربان تصعك على ناس
فالعرف والدين المناقي دراويش =امجملات الروح طرفن به احساس
لا من تشوف العين صرف المحاويش =جابت نكد وخباص عيشن لمحواس
هذه العلوم اللي تجيب التشاويش= يوم الغرب غزوه ظعيفات لانفاس
الكاسيات العاريات المناويش = لحمن رخيص المد راسن لمرواس
وين العقل بالراس طبه تحاشيش= يا مبرجات الوجه افٍ بلا اقياس

وقد استحقت كأس المركز الثالث

ــــــــــــــــــــــــــــــ ــــــــــــــــــــ
ــــــــــــــــــــــــــــــ ــــــــــــــــــ

بقية النتائج


4-عبدالعزيز المنصور
المركز الأول = 1
المركز الثاني = 0
المركز الثالث = 0

5 م- ماهر بخيت الجهني
المركز الأول = 0
المركز الثاني = 1
المركز الثالث = 1

5م-ماجد الراشد الهيري
المركز الأول = 0
المركز الثاني = 1
المركز الثالث = 1
ــــــــــــــــــــــــــــــ ــــــــــــ

الف مبروك للقصائد الفائزه وحظا اوفر لمن لم يحالفه الحظ هذه المره
ــــــــــــــــــــــــــــــ ــــــــــ

للنعلومية

هذه المسابقات ستتم بشكل شهري

وسيتم طرح المسابقة الثانيه بعد اسبوع

[صعبة المنال]

الف الف الف مليون مبروك

تستاهلون

صعووووب

[داعي الشوق]

تهانينا للأخ الشاعر عبدالعزيز البليهد

و يستاآآهل المركز الأول عن جدارة

مع تمنياتنا له بالتوفيق دائما

و الف مبروووووووك ،

كما أهني الأخ الشاعر عمر الشيبي مع تمنياتي له بالتوفيق ان شالله

و اشكر جميع الآخوة و الأخوات على مشاعرهم الأخوية الغالية

و إدارة موقع الفطاحلة على جهودها الجميلة في كل المجالات

*********

********************

[عبدالعزيز البليهد]

نهني انفسنا بهذه الجمعه الطيبه ونشكر صاحب الفكره والموضوع

رغم انني ترددت كثيرا بمجاراة بيت هو بيت القصيد .. لكن من حبكم ورغبه في التفاعل

شاكرا للجميع ومقدرا

واعذرونا على التقصير وليت الجايزه تكون مفطح للمشاركين والمصوتين على شرف

صاحب الموضوع هههههه

[الطائر المهاجر]

على شرف صاحب الموضوع
وعلى مائدة الفائز الأول ...تم

[حي الضمير]

الف مبروك للشاعر البليهد ابدع ويستاهل كل خير
ونبارك كذلك للشعراء في بقية المراكز
الحقيقه ابدعوا كذلك وبيض الله وجيهم جميع
ولاهنت وبيض الله وجهك يابوعبدالله
دائما تمتعنا بالجديد اللي يصب في صالح الشعراء وخدمتهم
اسال الله ان يعطيك الصحه وطولة العمر
وادام الله هذا الصرح الكبير

[ماجد الراشد الهيري]

الف مبروك لاخوي عبد العزيز البلهيد ولاهانوا كل الاخوان والشكر موصول للدكتور عثمان على هذه المسابقه الجميله اجدد تبريكاتي لاخوي البلهيد وداعي الشوق وعمر الشيبي واخوي المنصور وماهر الجهني والله ماقصرتوا في ابداعكم

[عمر ال شيبي]

ابارك للجميع على المشاركه الطيبه لموضوع يستحق الكتابه به
وابارك لاخي الشاعر عبدالعزيز البليهد فوز قصيدته بالمركز الاول واخي الشاعر الجميل بخلقه داعي الشوق بالمركز الثاني

لما احسنوه بالوصف

واتمنى من الجميع المشاركه في مسابقه اخرى

ونشكر راعي الدار استاذنا وشاعرنا على هذه البادره الطيبه

[منيع]

ااااااااااااااااااالف مبروك لشعرائنا الكرام على هذا الفوز والتميز
تهانينا للجميع
تحياتي لكم

[عبدالعزيز البليهد]

المشاركة الأصلية كتبت بواسطة الطائر المهاجر

على شرف صاحب الموضوع
وعلى مائدة الفائز الأول ...تم

والله ابرك ساعه انت الخير والبركه مثل ماجمعتنا هنا حدد الموعد وازهل الباقي