زيف المشااااعر

[شجون القصيد]

. .

. . .

فيضةٍ ينعش فؤاد الصب لون ثيابه = وصلتها وقت العصر والشمس في غيبوبه
تلتحف عذب السحاب وكنها مرتابه = واتمايل للغروب وكنها مغصوبه
فيضةٍ لون الربيع الغض لون الغابه = ترقص الازهار فيها رقصة الرعبوبه
والنسيم اللي تهادى والمشاعر جابه = ينتهض عذب القوافي يطلب المسحوبه
ياهجوسي وانتحي عن صاحبي وغيابه = اهتفي عن ديمة الوسمي هي المطلوبه
واكتبي عن شيخنا وعن ناره الشبابه = والدلال الصفر حوله بالذهب مربوبه
واكتبي عن لابتي والنعم فيهم لابه = مكرمين الضيف نعم اللابة المهيوبه
ياهجوسي وانتحي عن دمعتي واسبابه = ان طرا طاري المحبه ابعدي بي نوبه
وان ذكرتي من خذا قلبي بسهم اعجابه = اذكري اني من شريته ماشرا محبوبه
الله اكبر يوم قلبي يامر وينها به = واتغنى في هواه وشيمته واسلوبه
الله اكبر كيف كشر عقبها بانيابه = كن روحي من غيابه مدةٍ منهوبه
لابسٍ زيف المشاعر لبسه لجلبابه = والله اني بالغلا ماشفت يوم ذنوبه
ان غفت عيني حلمت وخافقي هلاّ به = وان صحيت العمر كني بالسحر مطبوبه
ياهجوسي مانهيت وقلت صكي بابه ؟! = ذكريني بالطموح وهامته ودروبه
يسعد الله هالشموخ وهيبته وحجابه = وخطوةٍ من قبل اخطّيها وهي محسوبه

[بدر العيد]

صح لسااانك يااخت شجون قصيدة رسمتي فيها الخيااااااال على حبر وورق وابحرت بين ابياتها فصح لسااااااانك شاعره متمكنه......... فالك الابداع الدااااائم

[مشعل الشايقي]

الله عليك شجون القصيد

ما اسعدني ان اكون من اول الواصلين لهذه الرائعه


صح لسانك مدد بلا عدد



تحيتي وتقديري

[منيع]

ياسلام
كل الجمال والابداع
اقدر اقول بكل ثقه ان الشعر لايزال بخير من خلال هذه الابيات الاكثر من رائعه
عودة قويه بالمره ياشجون القصيد
بارك الله فيكم
تحياتي وتقديري

[الطائر المهاجر]

سلمتي
وصح لسانك وقلبك
ولا هان راسك
جزلة وطيبة من راس طيب
تحياتي

[عبدالعزيز البليهد]

الله الله ياشجون هيضتينا للفياض والرياض

عذوبه بلا حد وماهي غريبه عليك

ونعم فيك وبلابتك

سمو القصيده اجمل من (زيف المشاعر) واسمى ليته لم يكون عنوان لهذه الباذخه

صح لسانك وصح احساسك وربي يحفظك

[الخنساء]

صح لسانك مليون ولايكفون
قصيدة جزلة من شاعر جزل
سلمت ودام حرفك

[ترانيم المطر]

هلا بك شجون مدد لا عدد

وعوداً حميد والحمد لله على رجوعك بالسلامه

رائعه هي ولا غرابه بذالك فالإبداع حليفك أينما كنتِ

دمتِ ودام تواجدك المميز

كوني بخير

[بنت العز]

سلمتي وصح لسانك شجون
يعطيك العافيه

[سناعيس]

الله اكبر يوم قلبـي يامـر وينهـا بـه
واتغنى فـي هـواه وشيمتـه واسلوبـه
الله اكبر كيـف كشـر عقبهـا بانيابـه
كن روحي مـن غيابـه مـدةٍ منهوبـه
لابسٍ زيـف المشاعـر لبسـه لجلبابـه
والله اني بالغـلا ماشفـت يـوم ذنوبـه

الله الله
صح لسانك ياشجون القصيد
ولله درك
والحمدلله على السلامه
يقولون من طول الغيبات جاب الغنايم
وأكيد هذه الرائعه أحد هذه الغنائم
لاهنتي

تحياتي