البنت والمهره

[النايفه]

بسم الله الرحن الرحيم

الفخر والخير من عهدالنبي = في نواصي الخيل وفي وجه المره
والعيون السود تذبح له صبي = كم شجاع (ن) راح وجابن أخبره
واردن للموت من نحر الضبي = أيسرته العين والرمش اسحره
والجياد الصفر والفارس يبي = ضامر الجنبين والذيل اشقره
ياعدت تعدو ماتدبي دبي = وياوطت بالروض والروض أخضره
تستدير الخيل للهدت تبي = أقسم المولا بقدحه وأسفره
ما شراها غير أمير(ن) وأعربي = وما عسفها غير مطنوخ(ن) شره
وماجهلها غير معتوهن غبي = يارزين العقل خله واحقره
ياجياد العز ماتوخذ سبي = دونها مسيل والسيل أحمره
من نواها هب بالقبر يهبي = عرضها من عرض والعرض أحذره
عزها من عز رجال (ن) أبي = عارف الجزلات والعرف أجبره

شعر النايفه

[الطائر المهاجر]

عط الحره فرصه

[عبدالله راشد الثويني]

صح لسانك ايتها الجزله
أبدعتي وامتعتي

لا عدمنا جديدك
تقبـّـلي تحيتي

[سناعيس]

الله الله
ياسلام عليك يالنايفه
قلتي ووفيتي وكفيتي
صح لسانك ولله درك

تحياتي

[النايفه]

المشاركة الأصلية كتبت بواسطة الطائر المهاجر

عط الحره فرصه

ياخوي تراك طفشتني بهالكلمه

كل ما جبت قصيده

قلت عط الحره فرصه

مادري الضره مره

متى تروح للحج حتن ننزل على كيفنا

[الطائر المهاجر]

المشاركة الأصلية كتبت بواسطة النايفه

ياخوي تراك طفشتني بهالكلمه

كل ما جبت قصيده

قلت عط الحره فرصه

مادري الضره مره

متى تروح للحج حتن ننزل على كيفنا

الكلام لك ولغيرك
اللي يبي ينشر عندنا لازم يتعاون معنا
مثل ما تبين نتجاوب معك تجاوبي مع غيرك
ما فتحناها فترينة عرض ، اذا تبين فقط تعرضين
فهذا القسم هو الفترينه

[النايفه]

ان شاء الله خير
اشهد بالله انهم شعار جزلين
جميع الي بالفطاحله
ولا زدتهم ولا نقصتهم
سوا تجاوبت معهم
اولا
لك ولجميع اللي في المنتدى
الاحترام والتقدير

[الطائر المهاجر]

مهيب القضية تزيدينهم او لا
القضيه اشعارهم بالتقدير بالرد عليهم مثل ما هم يردون عليك

[النايفه]

المشاركة الأصلية كتبت بواسطة الطائر المهاجر

مهيب القضية تزيدينهم او لا
القضيه اشعارهم بالتقدير بالرد عليهم مثل ما هم يردون عليك

اعتذر لجميع الشعار لقلت ردودي

واسمحولي في مغادره منتداكم

لاني لا لم اتقيد بشرط التفاعل مع اخواني واخواتي

وانا اعرف نفسي اتذوق الشعر واعجب بالقصيده

الجزله بس مارد وهذا عيب وتقصير مني

اجل الاحترام والتقدير لكم جميعا

[الطائر المهاجر]

طالما هذا قرارك فكل ينام على الجنب اللي يريحه
حنا عندنا الشاعر لو هو اكبر شاعر اذا ما يتفاعل مع غيره
ننبهه مرتين او ثلاث بنفس العبارة ثم نوقفه