لغز ( جديد ) ..

[حمود جارالله المزيني]

أقدّم لكم هذا اللغز المتوسط ..
أرجو أن ينال محاولاتكم وإعجابكم ..

ويش رجلٍ راقدٍ ماسك مكانه = والبنات مصدراتٍ وارداتي
يجلدنـّه جلـْـد من خانه زمـانه = ويرجفنه رجف ماهن راحماتي
مانشد عنـْهن طمانه مع طمانه = هن ومن فيهنّ عنـّه ناشداتي

[ناصر عبيد الهواوي]

والله ما ادري ياحمود كان ماهوب حول البساتم والعمود وما شابه ذلك
والله اعلم

[منيع]

ماهي بنات الافكار
شكرا لكم اخي حمود المزيني

[حمود جارالله المزيني]

الأخ : ناصر
مالك لوا يالغالي

[حمود جارالله المزيني]

الأخ منيع :
ماصابت هالمرة
لك تحيتي

[عبدالكريم العياش]

ماهو شريط الآله الطابعه

اسعد الله حياتكم جميعا

انا اتوقع الطريق او الأسفلت اكرمكم الله

هذا اجتهاد لا اكتر اخوانى

سامجونى اذا رحت بعيد

[حمود جارالله المزيني]

الأخ / عبدالكريم العياش
مالك لوا يالغالي

[عالي مستواها]

البييييييييييييييير
اللي ماسك مكانه هو البير والبنات اللي مصدرات وواردت هن السواني
يجلدنه جلد اللي هو الرشا يسحب على السواني
وطمانه مع طمانه الظاره انه طي القليب
ان شاء الله انه صح

[عالي مستواها]

او انه مدي الماء اللي تارد عليه الذود وتصدر