جوابي لمن سأل ..

[ناصر ملاقي المسطح]

السلام عليكم ورحمة الله وبركاته
لمن سألني عن سبب انتسابي لهذا الصرح
إليه جوابي في هذه المتواضعه

اسأل اذا تسأل فنا لازم انبيك = باصدق جواب وفيه كل الصراحه
عن منتدى الابطال عزّك وتثريك = فطاحله فيها النقا والسماحه
اعلام في كل الثقافه تعانيك = وجرح الثقافه هي تداوي جراحه
فطاحله بالعلم والراي تغنيك = من فكرها الصافي وسيع المساحه
واخبارها بالطيب مافيه تشكيك = ومن له دروب الخير حق امتداحه
وان حلت الهيجا تباشر وترضيك = والحق دونه من يجهز رماحه
والحلم ميزتها وحل الشرابيك = ومن هذا طبعه بشره في نجاحه
وتدمح لك الزله ولايوم توذيك = والا الخطوط الحمر يعرف كفاحه
وان جيتها بالطيب تشكر وتغليك = صقور وشياهين ٍ بعيدٍ مراحه
فطاحله فيها الوفا والوفا شيك = غالي رصيده كايدٍ باجتياحه
في مملكتنا العز ماهي بلد ( هيك) = في مملكتنا كلها امنٍ وراحه
والهيك تفسيره هو (الكيك) و(البيك) = ماهي لنا لو قيل كوثر قراحه
واحذر يابن آدم عن ابليس يغويك = وبالك تطيعه لولك ارخى جناحه
وعدّل مسيرك ثم عدد خطاويك = من شان تنعم في حياتك براحه
حنا (الفطا ) و(الحل) سامي يباريك = ولانقبل الواشي وكثرة مزاحه
وهذا جوابي خير منهو يقرّيك = والغوص له منهو يجيد السباحه
واستغفرالله كان ماقلت يوذيك = فالليل يجلي لاتبيّن صباحه
وسلام واسلم وانتبه في مغازيك = وماكل غازي انتصر في سلاحه
وشوري تتابع بس فقرة موازيك = والحلقه اطلق فيها مثلك سراحه
والعذر كانه بان مظهر مواريك = للقاري لكن نرجو منك السماحه

[سناعيس]

الله الله
الغالي ناصر المسطح الشمري
صح لسانك وبيض الله وجهك
على هذه الشامخة
التي هي بمثابة الوسام الذي طوقتنا به
لله درك من شاعر جزل
ولاهنت


تحياتي

[الطائر المهاجر]

صح لسانك ولاهنت
جزلة من جزل
ومشكور على مشاعرك النبيله
تحياتي

[ناصر ملاقي المسطح]

شكرا لك يالطائر
وفقكم الله

[زهرة اللوتس]

سلمت وصح لسانك
جزلة وطيبة
لاهنت
تحياتي لك

زهرة

[فارس القوافي]

ارررحب ياناصر

بيض الله وجهك

صح لسانك

نص مميز

يعطيك العافية

لاهنت


دمت بخير

[منيع]

ابيات رائعه ومعبره
بارك الله فيكم
تحياتي وتقديري

[عدنان كريزم]

الله الله


ابداااع فعلا




لا هنت

[عالي مستواها]

صح لسانك وماقصرت

قصيدة جزله من وجه طيب

وهنيك على القصيدة الرائعه التي طوقتنا بها فخرا بهذا المنتدى الرائع بأعضاءه

والاحاسيس والتعابير المنحوته



والمعاني المبحرة

لك جل التقدير واحترام

[عمر ال شيبي]

سلم قلبك
ابدعت

وحياك الله بين اخوانك