قبوة الموت

[ناصر عبيد الهواوي]

بصراحة دورت لي شي بالفحات الاولة وما لقيت ونزلت هالقصيدة بدون مراجعة فاقبلو

ياكم صوت الحقت مع دربهن صوت=واصغي بسمعي يمكن اوحي صداهن
شي ٍ جميع يروح ويعودن افخوت=واصيح حيلي ودي اقلع مداهن
سمعوا فلاليح الحسا واهل بيروت=واللي نزل باقصى الشرايع قراهن
وغنوا بهن سكان بقعا وتاروت=وينبع ويذكر في سكاكا احلاهن
تشرح عنا قلب ٍ من الوجد منحوت=نحت الخبير ان قام ينقر حصاهن
يرسم على صم الصخر ورد وبيوت=من زار عاصمة المداين لقاهن
رغم الدهور اللي مضت بقين اثبوت=للتعرية كم عامل ٍ مامحاهن
واليوم تسعر به مثل نار بخٌوت= يوم البني بالعيد لبسن إحلاهن
في معزل ٍ عما تبا النفس مكبوت=مقومات الحزن جوي حواهن
باسباب مكتوب ٍ به اوراق وكروت=بطروقهن شرٌي وخفن ادواهن
ومن هالخبر ظليت حاير ومبهوت=علوم قشرا ما اعرف وش وراهن
وجالس ويغشاني مثل قبوة الموت=والفكر من قهره بناته دعاهن
يقول شفتن حالتي وانتن اسكوت=وتبلدن واللي غشاني غشاهن
حتى القلم ما سال حبره على النوت=واصابعي ماشالته وش بلاهن
انا اشهد انه شاتني هالسنه شوت=شوت الكور بوز المدافع نحاهن
يارب يوم انجيت يونس من الحوت=رد الهموم اللي دهتني وراهن

[الـزلـزال]

ومن هالخبر ظليت حاير ومبهوت=علوم قشرا ما اعرف وش وراهن
وجالس ويغشاني مثل قبوة الموت=والفكر من قهره بناته دعاهن
يقول شفتن حالتي وانتن اسكوت=وتبلدن واللي غشاني غشاهن

ناصر الهواوي
بوح في قمه الرقي والجزاله
من شاعر عودنا على تقديم كل رائع وجزل
أبدعت شاعرنا في بوحك المتقن
رعاك الله وهون كربك
صح لسانك ملايين ملايين
ولك فائق تحياتي وتقديري

[عبدالله السويلم]

تشرح عنا قلب ٍ من الوجد منحوت
نحت الخبير ان قام ينقر حصاهن
يرسم على صم الصخر ورد وبيوت
من زار عاصمة المداين لقاهن
رغم الدهور اللي مضت بقين اثبوت
للتعرية كم عامل ٍ مامحاهن
---------------------
يارب يوم انجيت يونس من الحوت
رد الهموم اللي دهتني وراهن


شاعرنا القدير/ ناااااااااااصر

اذا كانت هذي بدون مراجعه
وش لوراجعتها
مشاء الله وبدون مجامله
قصيده رااااااااااااائعه
وجزله من راس جزل
كلمات عذبه بعذوبة كاتبها
الله لايهينك
لاتحرمنا من جديدك
تحياتي لك

[همس الورد]

الله الله الله

صح لسانك مليون

و صح بدنك و اعتلا شانك

رووووووعة ما شاء الله

تحيتي

[حمد العيد]

القدير / ناصر الهواوي

اجدت وابدعت بسبك هذه الدرة التي طاب البقاء حولها والاستمتاع بجمالها

صح لســـــــــــــانك ولاهنت

ودي وتقديري

حمد العيد

[مجدي صالح المبارك]

الشاعر القدير ( ناصر الهواوي ) صح لسانك على هذه الرائعة التي أبرهتنا بها فلله درك من شاعر لايرضى بغير الروائع , تقبل مروري المتواضع ودمت بكل خير .

[مبروك بن ماضي]

اخوي المبدع :
الشاعر / ناصر الهواوي
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[الحــ فهد ــربي]

الشآعر العزيز ’’

ناصر الهوآوي

صح لسآآنكـ وإعتلا شانكـ ’’

أبيات قمهـ في الجمال والجزالهـ ’’

دمت بحفظ المولى ’’

[حوريه]

شااعرنااااا ليه ما رااااجعتهااااااا !!!!؟



أنت ما تدري انهاااا























روووووووووووعه!!




الله عليك ياشاعرنااا دائماً وابداً مبدع


صح قلبك ...

ودااام حرفك


.






.

[حي الضمير]

صح لسانك وعلا شانك
قصيده رائعه
ولا عدمنااااك
أجزل التحايا والاحترام يامميز