تدري وش اللي يدفع الرجل للطيش

[الطائر المهاجر]

تدري وش اللي يدفع الرجل للطيش= ويمشي ورا الشهوات من غير تفكير
قطره بجسمه لا اكتمل صفها الريش= تلحس بمخه يتجه دون تدبير
لاشاف له شمطاء عليها دناديش= يقول هذي الريم سيد الغنادير
ولا فرغ القطره بعد طول تعطيش = يدرك عماه وما تفيد المعاذير
قطره اتت به لا جنودٍ ولا جيش = اسير ف الظلمه ويطلع بتيسير
من اللي خلق خلقه وضامن له العيش= من بعد تسع شهور في كل تقدير
فالعاقل اللي دوم ف النفس تفتيش= يفهم عناصرها بنصٍ وتفسير
امّارةٍ بالسوء تعمي بتغبيش = تبي تحقق ما تبي من محاذير
ابليس والقطره وراها بتجييش = ومن لاحكمها ينتهي بالمخاسير
ولوامةٍ تحصي عليه التهاتيش = وتقسو بتأنيبه على غير تأخير
يشعر بحربٍ بين ليتي مع ليش= اما صحى ولاّ عمى في المشاوير
وتجي توسط بينها دون تطنيش = نفسٍ تبي من الرجل يمشي إلى الخير
المطمئنه من ملكها هنا العيش= دنيا واخرى ما تجيه التكادير
حرٍ عزيز النفس ماهوب درويش= يذل نفسه شان يجمع دنانير
قانع برزقه ما يدور بخاشيش = اكله حلال ولا خبر عنه تقتير
مرتاح باله من وجيهٍ مباهيش = راضي المقدر ما تهزعه اعاصير
ومن لافهم نفسه ودافعه للطيش = يعيش طول العمر وسط الدياجير

ــــــــــــــــــــــــــــــ ــــــــــ

[داعي الشوق]

صح لسانك يا دكتور و اعتلا شانك

و الله يصلح الحال و يهدي كل مسلم

ولاهنت

مع التحية لك

[هترل]

عز الله انك صادق
صح لسانك يابو عبدالله
وافي وقصيدك وافي لا هنت


تحياتي

[منيع]

اكثر من رائعة
تسلم يادكتور
تحياتي

[الطامي]

ياسلام يادكتور
وصف رائع وكلمات طيبة وهادفه
صح السانك ملايين
ولافض فوك
شكرا لك

[فارس القوافي]

صدقت صدقت يابو عبدالله

صح لسانك

لاهنت

يعطيك العافية

دمت بخير

[حرف وشعر]

نص فى قمة الروعه ياابوعبدالله صنحت وبينت اثابك الله

[طلال العازمي]

لاشــاف لــه شـمـطـاء علـيـهـا دنـاديــش
يــقــول هــــذي الــريـــم ســيـــد الـغـنـاديــر

ههههههه اي والله نسأل الله العافيه

الشاعر الدكتور مبدع دائماّ وتأتي بالشامخات
صح السانك مدد والله لا يوريك النكد

ولاهنت وتقبل مروري

[سعيد عوده الحويطي]

لله درك يادكتور هذا الابداع والا فلا قصيدة تستحق القراءه وكم نحن محتاجون لفهم انفسنا وكم واحدا منا غرته الدناديش بشتى انواعها طرح هادف نشكركم عليه وتقبل تحياتي

[نجم الإبداع]

الدياجير

صح لسانك وفكرك يابو عبدالله

كلام من ذهب

لاهنت

تقديري