سلاام ياللي تحسب البنت له دور !!!

[شجون القصيد]

.

. .

. . .

خليك يالزلزال سلسال وبحور = مالك ومال اللي يثير البراكن
وش بك محولّها على الظلم والجور = رفقاً على اللي من عناكم تشاكن
من قبل لاتحكم على جملة الحور = فكر وش اللي حوّل الوضع داكن
اذا المربي صار كالثور مسعور = والله من يومٍ بناته تباكن
دامه بحبل الغي راضي ومأسور = لازم يبين يالعذارى رداكن
يعني يحط الدش ويبات مخمور = ولا تحسب انه يهد المساكن
يومين بالديره وبالخارج شهور = وان جاه خاطب يظرب الفين لكن
وبعض شباب اليوم بالشر مسرور = راكبه شيطانٍ على القلب راكن
يركض ورا الشهوه كما يركض الثور = تشوف شره داخل العين ماكن
ودك تصكه فوق راسه بساطور = حتى تشوفه وسط الاكفان ساكن
بنات حذرا راعي الغي والزور = اللي بمعسوله يدور غثاكن
هذا غراب الشر والخير مبتور = ولو هو تغنى يالبني في حلاكن
لا كشّر بنابه وقع كل محظور = ماعاد يمدي لو تعالى بكاكن
شوتنّه اللي بالخفا حل مخطور = بين الأهل حذرا تهدن غلاكن
والمجتمع معروف عذره على الفور = مع الولد لو هو تعدا وجاكن
وانتن تعيشن بالخطيه وبالزور = لين المقابر حاملاتٍ شقاكن
ابنن بوجه الشر من ستركن سور = ترا حلاكن يالبني في غطاكن
واللي نوا بالشر بيرد مقهور = يموت ماحصل بلحظه لقاكن
مادام تمشنّه على خير دستور = يبطي الردي ماوصّل لمستواكن
وانا اقول اليوم يابوي مشكور = ماألهتك دنياك للدين راكن
ربيتنا والتربيه خير مأثور = حتى ان تعالى يالذيابه عواكن
سلام ياللي تحسب البنت له دور = الدور للرجال من غير لكن
لأبو العذارى ثم اخوها يجي طور = وللي يصيد بشر بين المساكن
اذا تعدّل كل طاغي ومطيور = تزين يالزلزال كل الاماكن

[داعي الشوق]

ما شاء الله تبارك الله

صح لساانك يالشاعرة شجوون

ولله درررررررررك

رد سريع و محكم و وافي و شافي

انا قلت ما راح تمر قصيدة الزلزال مرور الكرام ،

بصراحه الرد ما يحتاج

صح لساانك يا شجوون

أبدعتي كثيرا في الرد

كما هو أنتي دائما مبدعة

شاعرة ما عليك غبار

تحيتي لك و سلامي

******************

[حرف وشعر]

لالالالا هذا مش شئ عاااادي

هذا سحر وشجون القصيد

ياااااسلام يااااسلام

يااااشجون وربي انك اطربتي ذااائقتي

فعلا

شعر راااائع وله مدلول مفيد ونافع

دمت علي اطيب حااال يابنت الاجاويد

[عبير الورد]

وهذا غيض من فيض




صح لساااااااااااااااانك مدد مدد
ولاهان منطوقك الجزل
يااااااااااامبدعة

[الخنساء]

وانا اقول اليـوم يابـوي مشكـور

ماألهتـك دنيـاك للـديـن راكــن

ربيتنـا والتربيـه خيـر مـأثـور

حتى ان تعالـى يالذيابـه عواكـن

سلام ياللي تحسب البنـت لـه دور

الـدور للرجـال مـن غيـر لكـن

صح لسانك مليون
قصيدة جزلة من شاعرة
جزل متمكنه
مجاراة رااائعة ورد قوى
وانا اشهد انك صدقتى
سلمتى ودام حرفك

[منيع]

ياسلام
صدى ولااروع
بارك الله فيكم
تحياتي وتقديري

[عبدالعزيز ابراهيم المنصور]

شجون القصيد
لله درك على هذا النص الأكثر من رائع
سلمتي ودمت ِ
دمت ِ بخير

[جلال ابراهيم الصبيح]

الله الله الله الله


صح لسانك يا شجون رد مش طبيعي وقوي جدا

والله يكون في عون الزلزال هههههههههههه لله درررك

وصح لسانك ملايين...دمت بخير.

[الـزلـزال]

شجون القصيد

صدى رائع ومميز ومتقن

من شاعرة وأخت متمكنه ورائعه في كل ماتقدمه

تطرقتي اختنا الغاليه في صداك للتعميمي

لو تمعنتي جيدآ فيما قدمته لوجدتي أن هناك إستثناء واضح

ماقدمته هي أحول تروى لنا ونشاهدها

ولم أتهم أحد بعينه فكلنا نعيش في نعيم

كان خوفي في محله من فهم القصد وهذا ماحدث

لم أكتب ماكتبته للتجريح أو السخريه ولكنني كتبته كأنتقاد واقع

عمومآ شاعرتنا المميزه أبدعتي وأمتعتي بهذا الصدى

وغير مستغرب منك ماقدمتيه من تميز وتمكن وسرعه في الرد

دمتي بخير وسلام ودام لنا نبض حرفك

صح لسانك ملايين ملايين

ولك فائق تحياتي وتقديري

[الطامي]

شجون
صح السانش ملايين
رائعة وهادفه
لاهنتي اختي