وين انت يالفــاروق وين انت يالعــاص

[حي الضمير]

السلام عليكم ابناء الفطاحلة .....اليكـــم هذه القصيده التي

تحكي واقع نعيشة نحن ابناء الشعوب العربية والأسلامية

اتمنى ان تحوز على رضاكم ولو بالقليل ...

بسـم الله المعبـود رب الخـلايـق=الوالـي الوهـاب معطـي الـرزايـق
محيي رميـم العظـم لوهـي دقايـق=بـه نستعيـن وناخـذ العلـم علمـيـن
من وقتنا اللي كل يومن مصايب=ومن هولهـا ياربعنـا الـراس شايـب
في كل يومـن تطلـع بعلـم خايـب=تجزع لها نفـوس العـرب والمسلميـن
ويقول من كثـرت عليـه التفاكيـر=وشـاف العجايـب والغرايـب محاديـر
يومه على المسلم تهـوش الخنازيـر=يقودهـم حفـنـة يـهـودن ملاعـيـن
حربن رحاها تطحن بـدار الاسـلام=وداست علـى روس الارامـل والايتـام
والغبن لاقالـوا لنـا العـذر صـدام=خطـه يهـود ونفـذت عـام الالفـيـن
حربن على المكشوف والعالم يشـوف=قتل وحصـار فيـه إذلال مـع خـوف
وحكام الامه غير ترديـد الحـروف=هرجـن يـردد دون فعـل وبراهـيـن
صاروا توابع خلـف قايـد اميركـا=مـن ويـن ماتطحـن رحاهـم شريكـا
قصة كيلنتون يوم يخـدع مونيكـا=اصحوا ويكفـي مامضـى يالسلاطيـن
وين العصور اللي مضت ليتها تعود=عصر الصحابة عصر حمـزه ومسعـود
عزم وثبات وكـل هالعالـم شهـود=وتشهـد لهـم مؤتـه وبـدر وحطيـن
وين انت يالفاروق وين انت يالعاص=وين الوليـد ويـن سعـد ابـن وقـاص
من عقبكم صرنا كما اكـة الهـاص=واللعـب صـن ودبـروه الملاعـيـن
فـي وقتهـم للديـن عـز ومهابـه=الفـرس ويـا الـروم تحسـب حسابـه
واليوم صرنا مثـل نفـو بخرابـه=جـار الزمـن ثـم احرقوهـا ببنزيـن
ويامـا ويامـا جرعتنـا الليـالـي=مـر الحـروب ومـن الفتـن بالتوالـي
مرن جنوب الـدار مـرن شمالـي=واليوم مانـدري بترسـي علـى ويـن
وباسبابها ماندري من ويـن نبـدي=مـن ويـن نبـدي والهوايـل تـجـدي
وللي ظروف الوقت كلك تحدي=متى على الله عقب هـذا العسـر ليـن
واقول قولي ولابعـد شـاب قافـي=حيـث الليالـي بينـت كـل خـافـي
بضرب صميم القول وافرش لحافي=واقصد وعنـدي مـن القوافـي ثلاثيـن
والقاف اجيبه وابدعه حيـن وقتـه=ولامـن زهمتـه جـا عجـال ونظمتـه
واخذت قسمي يوم شعـري ورثتـه=وبفـك شفـرة كـل مابيـن قوسـيـن
نحسب حساب ابلير ويا ولد بـوش=واثر العدو من دارنـا يزبـن الحـوش
نبغيه عون وصار للمسلـم يهـوش=يالعنبـو فكـرن تغـذاه مــن حـيـن
طغمة فسادن والهدف بـان ساسـه=لوطـول اللحـيـه وقـصـر لبـاسـه
ماعـاد تخدعنـا وجيـه البساسـه=حتيـش لـو قالـوا نحـرر فلسطـيـن
والغبن كنا ندعـم ونعطـي المـال=قالواالجهـاد وقلنـا ياطيـب هالـفـال
يوم استوت عوّدعلينـا بـه خبـال=وفجر وبـاح الـدم بـارض الحرميـن
وراحـت نفوسـن كلبوهـا بريّـه=من غير ذنبـن ميـر صـاروا ضحيـه
احدن جريح واحـد جتـه المنّيـه=يلعنكـم اللـي صـام واللـي مصليـن
وش ذنب وجـدان ونـوره وغـاده=وش ذنـب صالـح يـوم يتـم فـؤاده
يومك على غـره نويـت الأبـاده=يخسى رجالـن يدعـوا نصـرة الديـن
وان قاله الله دام روحي بها انفـاس=لدعي ولي الكـون فـي كـل مجـلاس
انه يذوّقهم من المر اتعاس = ويفكنا من شرهم والشياطين
وياناس انا مدهوش والفكر محتـار=مـن عقـب ماذقنـا وذاقـو الامــرار
وش دينهـم بالله يـوم الزمـن دار=بالله ويـن الـلـي يـفـك العنـاويـن
وشكوانا للي كـل صعبـن يحلـه=ربـن كريمـآ فـارج الضيـق كـلـه
عالم خفايـا الصـدر دقـه وجلـه=عفـوه ولطفـه يـوم نشـر الموازيـن

[متعب المتعب]

-وين انت يالفاروق وين انت يالعاص
وين الوليـد ويـن سعـد ابـن وقـاص

اخي الشاعر خالد السبيعي صح لسانك وعلا شانك على هذا النص الجميل
الذي يحاكي مانحن فيه ..

لكن :

التغني على الاطلال ايضا هزيمه وأنا معك في كل كلمة قلتها وهذا التغني دليل
على عدم مقدرتنا من الكبير للصغير تغيير حتى جملة مكتوبة
على سبورة مدرسة ولاأحد يرانا ولانغير لخوف يدب
في قلوبنا تشربناه بسبب من هم رضوا رياضة الانبطاح بدلا من فرد العضلات
بإيجابية وليس للتنطع بها فـــ ياأخي القدير والغالي
كلمة ((لأ)) الآن تقال في بلادنا الاسلامية
والمتأسلمه !! لمن هم تحت المعظّم فلاحول لهم ولاقوه فــ الرضا بالإهانه بصمت
أفضل من الصراخ برفع الشعارات التي تشبه طفل أعطوه
حلاوة فاستر لذلك وأخذوها منه فــ بكى !!


كل الحب لك اخي العزيز السبيعي ,,

[الطائر المهاجر]

ملحمة جزلة ورائعة من شاعر متمكن
صح لسانك وبيض الله وجهك
ولاهنت
تحياتي الطيبة

شاعر مميز ومتمكن أثبت وجوده ببراعته

شاعر يكتب الشعر الجزل وليس الهزل

لاهان مغليك

[مبروك بن ماضي]

اخوي المبدع :
الشاعر /خالد السبيعي
الف صح لسانك على هذه الرااائعه ..
قصيدة جزله من راس جزل
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

سطور تتجلى بها الروعة والجمال

دمت بخير

[عبدالله راشد الثويني]

أخوي الشاعر المبدع والمتألق السبيعي
كتبت فأبدعت كلمات في الصميم
من شاعر مبدع ومتمكن
يفخر الشعر بأمثالك
تحيتي لشخصك الكريم

رقيق وعذب وجميل

شكرا لك على هذه القصيدة الجميلة

[مسالم]

إبداع في إبداع

وقصيدة رآئعه

صح فكرك واحساسك

ولاهان راسك

تحيتي وتقديرى

[محارب]

صح السانك ولاهنت

وبيض الله ويهك

قصيده رائعه من رائع

لك تحياتي