تدري وش اللي يقهرك بعض الاحيان

[الطائر المهاجر]

تدري وش اللي يقهرك بعض الاحيان= لاشفت بعض الطرش ماسك اداره
مع بعضهم حزبٍ منظّم بلا اعلان= ومع بعضهم في كل سلمٍ وغاره
ولا حساسهم بالنقص في كل ميدان= لا جاء المواطن ذاق منهم مراره
إلا إذا له "واو" ماحس نقصان= كلش يسوّى له بطرف الإشاره
ومن خبرتي معهم بلا اي بهتان= كلش حلالٍ عندهم كالتجاره
سرق ونهب من غير خوفٍ وحسبان= وحتى الرشاوي عن فنون وشطاره
المشكله وصلوا بذله وحقران= والبعض منهم صار حول الصداره
ولو جيتهم وانته من العلم مليان= قالوا بدو علمٍ بمثله خساره
هم في نظرهم من رفع عال الاركان= وهم في نظرهم اهل علم وحضاره
ماشفت فيهم غير تمثيل باتقان = واقلّهم تلقى بنفاقه مهاره
مادامهم يدرون عن صاحب الشان = واللي يبي من مدح يعلي جداره
عصابةٍ كالسوس تنخر بالاوطان = في كل شبر بلفةً واستداره
النفط جمّعهم من اشتات الاكوان= بارضٍ اهلها تنخدع بالنظاره
والمصلحه قانون من جاك جوعان= ولا من شبع يكويك من حر ناره
ولا صاح صياح المنادي بالاحزان= على دياره راح معه ادخاره
لوهو بيدّي قلت ياضراب الاعطان= هذي البواخر كل راس ووزاره
وافتح مجال لكل من كان عطلان = من الشباب اللي توالى انكساره
باسبابهم واسباب لافي وشفقان= ممن لقى له من غدا له ستاره
من اللي ضميره مات من عدة ازمان= واعطى الأجانب ضو فوق اخضراره
حتى غدينا بين مطرق وسندان= بطالةٍ معها الغلا باحمراره
واستثني القله فهم خير برهان= على ضميرٍ حي يفرض وقاره
فيهم رجال اخيار معنا كالإخوان= كلٍ لعز الدار يرسم مساره
الدين جمّعهم على حب وإيمان = نقوه شريفه مابهم من قذاره
والدار ماهي ملك لفلان وفلان = الدار للي في فعاله جداره
واللي اناني ينكشف كيف ماكان= لو هو ولدها يستحق احتقاره
لكن ولدها لو تمايل كالاغصان= في يوم يرجع عارفٍ قدر داره

[حرف وشعر]

الطائر الله الله

معلقه حكت واااقع الحال

والله المستعان يابوعبدالله

دمت علي اطيب حال

[داعي الشوق]

صح لسااااااااااااانك يالطائر المهاجر

قصيدة مباشرة بشكل قوي

معانيها على الوتر الحساس

و الله يصلح الحال

و صح لسااانك مليوون

لي عودة للرد بما يليق

ولاهنت

[نفحات حساسة]

صح السانك..ولاهنت

رائعه وملسعه..ههههههههههههه

يعطيك العافيه.. وسلمت يمينك.

تحيتي واعجابي..

[بنت العز]

صح لسانك وعلا شانك

سلمت ولاهنت

يعطيك العافيه

[ياسر عبدالرحمن الخالدي]

صح لسانك يالطيب وتمنّيت لوّك ماعمّمت يابعدي

[الخنساء]

تدري وش اللي يقهرك بعض الاحيان

لاشفت بعض الطـرش ماسـك اداره

مع بعضهم حزبٍ منظّم بـلا اعـلان

ومع بعضهم في كـل سلـمٍ وغـاره

ولا حساسهم بالنقص في كل ميـدان

لا جاء المواطن ذاق منهـم مـراره

إلا إذا لـه "واو" ماحـس نقصـان

صح لسانك مليون ولايكفوون
قصيدة جزلةمن شاعر جزل
سلمت ودام حرفك

[الطامي]

تدري وش اللي يقهرك بعض الاحيان
لاشفت بعض الطرش ماسـك اداره
مع بعضهم حزبٍ منظّم بـلا اعـلان
ومع بعضهم في كل سلـمٍ وغـاره
:::::::::::::::::::::::::::::: ::::::
صح السانك ملايين
رائعة وهادفه
لاهنت اخحي

[منيع]

صدقت وابدعت
شكرا لكم
تحياتي

[زهرة اللوتس]

صح لسانك وفكرك
جزلة من جزل
لاهنت
تحية طيبه