الطيب المنعور مايلحقـن لـوم

[الطامي]

عزي لمن مثلي معه ضيقته دوم=هني من لاضاق يانـاس غنـا
ياناس خلو كل قلب معه كوم =احزان وهمومٍ من اللي شحنا
يازين مشراف العصر راس مزموم=ونسناس نود بالعصاري يجنا
لاعَل لامنه بدا راس مرجوم= يفيِض اللي بخاطره ويتغنا
خصٍ اذ بالجو براق وغيوم =وروض تبين لك على ماتمنا
يبري من الوجعان صكات وثلوم =ويسوى حديث اللي كفوفه تحنا
الطيب المنعور مايلحقـن لـوم=والا الردي ماعاتبه لـو تجنـا
حقي على الطيب وحقه علي دوم=وياحبني للقـرم زبـن المجنـا
كل ابلجٍ طلق الحجاجين ويشوم=نبراسهـا لاجـات منـا ومنـا
واطيه مثل اللي وطاني من هموم =سنة حياه مجربه في زمنا

[داعي الشوق]

في زمنا ،،

الله الله يا بو محمد

صح لسانك و اعتلا شانك يالشاعر

قصيدة تهيض الجاش

صح لسانك مدد

[الطائر المهاجر]

كل عليه من زمانه واكف
صح لسانك
ولا هنت
تحياتي

[الراقي]

كتبت فأبدعت

وتألقت

بروعة قلمك و فكرك

صح لسانك

[الطامي]

داعي
صح بدنك
وشكرا لمرورك
لاهنت اخي

[الطامي]

الطائر
صح بدنك
وشكرا لمرورك
لاهنت اخي

[الطامي]

الراقي
صح بدنك
وشكرا لمرورك
لاهنت اخي

[منصور العبدالله]

المشاركة الأصلية كتبت بواسطة الطامي

يبري من الوجعان صكات وثلوم =ويسوى حديث اللي كفوفه تحنا
الطيب المنعور مايلحقـن لـوم=والا الردي ماعاتبه لـو تجنـا
حقي على الطيب وحقه علي دوم=وياحبني للقـرم زبـن المجنـا
كل ابلجٍ طلق الحجاجين ويشوم=نبراسهـا لاجـات منـا ومنـا
واطيه مثل اللي وطاني من هموم =سنة حياه مجربه في زمنا

الله الله يالطامى

كتبت باحرف من ذهب

راقت للذائقه وارتفعت بها الى هام السحب

صح لسانك ملاييييين

[طوفـــان]

صح لسانك يابن مري ...

قصيدة طيبة وطاروقها يطرب ...

لك تحياتي

[الطامي]

منصور ال عبدالله
صح بدنك
ونحن تلاميذ مدرستك يالغالي
شكرا لمرورك
ولاهنت اخي