مانيب رجعي إذا قلت البسي غطوه(بالصوت)

[الطائر المهاجر]

بعد توقف تحركت الشاعريه ، بهذه الكيبوردية ، التي حاولت فيها
معالجة موضوع اجتماعي هام

مانيب رجعي اذا قلت البسي الغطوه = ولا انتي من الغرب يوم انك تخليها
حنا على الدين نمشي خطونا بخطوه = وعلى المبادى دروب الخير نمشيها
ومن يحسب ان التحضر بالغرب قدوه= ماهوب فاهم ولا يدري خوافيها
البنت سلعه تباع وتشترى عنوه = واليا انتهى كرتها محد(ن) يدانيها
في مجتمع ما جمعه الدين والنخوه= كل(ن) لوحده يعاني من بلاويها
البنت تطرد ولو هي ورعة(ن) فلوه= من بيت اهلها تدور من يثبيها
والزوج له صاحبه تأتي على الحروه= وزوجته تمشي لعير(ن) من محبيها
هذا هو الغرب ياللي نايم بغفوه= تبي تحضّر على درب(ن) مشى فيها
وتنسى بأن العرب من اشعل الجذوه= وارسى حضاره جميع الخلق يدريها
حضارة(ن) ما بها شهوات او نزوه= قامت على الدين وارست به مباديها
وسادت جميع البريه تنشر الصحوه = وتحرر الناس من شهوات ترديها
للبنت عز وكرامه ما لها جفوه = محشومة(ن) وين ما تمشي خطاويها
واليوم بنت العرب ماهي على الهقوه= تبي تقلد ولو خسرت بتاليها
تبي تبرج وبعض يخفف الغطوه= عن جهل في البعض ما تدرك تواليها
ما تدري ان الرجل يلقى بها فجوه = لو هي عفيفه ترى يطمع يلاقيها
يمشي وراها ولو هي خيرة النقوه= يكفي يروج اشاعه عند اهاليها

ماشاء الله

كيبوردية رائعه في نظمها وفي مظمونها

الله لايضرك

وصح لسانك ابيات في غاية الجمال تناولت موضوع مهم جدا

الله يعافيك

تحياتي

[الأموره]

الله يالمهاجر ،،

صح لسانك و دام نبضك ،،

و فعلا موضوع هام ،،

لكن من يسمع ؟؟؟

نســـال الله الهدايه ،،

الف شكر لك عالطرح ،،

دمت برعاية الخالق،،

[منيع]

ابيات موضوعية ورائعه
بارك الله فيك
تحياتي

[ماجد الزيد]

مانيب رجعي اذا قلـت البسـي غطـوه
ولا انتي من الغرب يـوم انـك تخليهـا

ومن يحسب ان التحضر بالغـرب قـدوه
ماهـوب فاهـم ولا يـدري خوافيـهـا

صح الله لسانك يابو عبدالله
رغم ماعلى الغرب كذلك له

ابو عبدالله انت من رموز جيل ذهبي لم ينخدع بصورة الغرب
اما هذا الجيل فوالله انه متربع وسط الفيضه الا من رحم ربك

[الطائر المهاجر]

هلا بك أخي ماجد
حينما اتكلم عن الغرب لأنني عشت هناك 8 سنوات
متنقلا في امريكا من ولاية لأخرى ومن مدينة لأخرى
بل ومن قرية لأخرى ، فعرفت أن لديهم من البلاوي
ما لا يتسع الوقت لذكره ، فهم يعانون وبقوة
تصور ان الفرد لايجد من يبث له همومه وآلآمه بل واشجانه
بل عليه ان يذهب لمراكز الإرشاد النفسي والتي مهمتها
فقط الإستماع ، وتصور ان نسبة الفقر فوق ما تتصوره
وتصور وتصور ... لكن البعض منا ينخدع بالشعارات البراقه
تحياتي

[ابومياس]

احييك احييك احييك

على هذا الهدف النبيل والموضوع الغاية في الاهمية

الذي تفشى في مجتمعنا على غير هدى

صح لسانك يابو عبدالله ومد الله ايامك

دمت بخير وعافية

[عمر ال شيبي]

البنت سلعـه تبـاع وتشتـرى عنـوه
واليا انتهـى كرتهـا محـد(ن) يدانيهـا
في مجتمع ما جمعـه الديـن والنخـوه
كـل(ن) لوحـده يعانـي مـن بلاويهـا
****************************** ***

صح لسانك وحياك الباري


اصبت القول يا الغلا وهزيت ارعاش القلوب
والله كلامك في القلب واقعٍ من صميمي

وما شفنا من الغرب غير بلاوي هالحبوب
هلوسة فكر خلت هالغني بواديه يهيمي

وانبهر بنات الشرق في لبسه تظهر عيوب
تقليد اعمى لهل الغرب يا الغلا ما هيب قومي

[حوريه]

الطا ئر المهاجر

مبدع الكلمات.........

سال حبرك عطراً في هذه الصفحه و مـلـئـت النفس بعبق الرحيق لرووووووعة ما طرحته


فأحسنت الطرح الراااااااااااائع هنيئاً لهذه الصفحة لوجود مثلك مبدعين با الكلمه

دمت ودام عزك

حـوريـــه

[الطامي]

الطائر
لاهنت وصح السانك
قصيدة من شايف بعينه دارس بحينه وتلاحينه
والزوج له صاحبه تأتي علـى الحـروه
وزوجته تمشي لعيـر(ن) مـن محبيهـا
لاتلموني اذا هجيتك بسبب هذا البيت الشعري
كم اشمئزيت من القصيده بما فيها من الجماليات والمعاني التي تجعلها من اروع القصائد المقرؤة بسبب هذا البيت الشعري وغيره الا انه غطى على غيره من الأبيات الأخرى
انها حقيقة يعيشها ان شاء الله نادر من المسلمين
نسال الله ان يحفظ امة الأسلام من كل شر ومكروه
(( في الحديث النبوي ؟؟ واذا ظهرت فيهم الفاحشه اظهروها ............ الخ الحديث ))
انا اسف لما كتبت ولاكن الفطاحله كما عهدتهم هم اكبر من الوصول الى مثل هذه القصائد الشعريه وان كانت تحكي واقع ملموس
>>>>>>>>><<<<<<<<<<
سلام ياصاحبي