![]() |
رقم المشاركة : 1 | ||
|
سلطان بن نمر القحطاني توفي 1363هـ وفي روايه 1402هـ
يا معمر الدنيا ترى الوقت غدار =خسران يا من باع دينه بدنياه البارحة نومي هواجيس وأفكار=الله لحد عزاه للقلب عزاه لاغرد القمري على الدار ياذعار=ركب اردعيه ضامري كل مَا او حاه لج الضمير وهاض من بعض الاشعار=أمراج من صدري تقارع من أقصاه عما جراتجري مقاسيم الاقدار=وما دبر الولي على العبد يرضاه وقت سقا سلطان من كاس الأمرار=مفجوع منصاع من الحزن ويلاه أبكي من الوجلا على قد ما صار=واحر قلب صابه الحب حراه اونس ابجاشي كوكب تو ما فار=مثل القدر يطفر على النار تنضاه سار القلم باللي جرا بالقدرسار=واستحكمت الأقدار يا طول صبراه من ونتى يبست زماليق الأشجار=يا ناس من مثلي صبور بما جاه والعين كن بها براعيم زنجار=يحرم علي النوم ما قلت ما حلاه من ونة ونيتها وقت الأسحار=ونة فطيم جاير الحزن يبراه او ونة اللي له زمانين به زار=جاه الطبيب لا عرف غاية دواه او ونة اللي غاص غبات الابحار=حزت غروب الشمس وانسل مجداه أو ونة اللي يمت الهند سفار=زادت عليه الريح والموج غباه يا مَهبل اللي قال جزع وصبار=ما نيب صندوق من الساج بغطاه قالوا تصبر قلت للصبر مقدار=طال الطويل وباقي الصبر مُقواه ابكي وليف حط في القبر ابوغار=وعزي لعين ما تهنت بلا ماه يا قبر جيتك في دجا الليل خطار=باشوف من حطوا وسادة زواياه باشوف من ساقه كما لب جمار=قال انت شوقه قلت يا قبر انا اياه قال انقلع مني وخل التخطار=حرام عينك بالسفر ما تحلاه والله لولا اني حليم وصبار=والرب ثبتني بدينه وتقواه واخاف من رب السموات والنار=لاسم روحي بعض الايام واقفاه قالوا لي العذال لا صار ما صار=دور وتلقا بالعرب كنه اياه انا ليا دورت في كل الاقطار=يا وين ابلقا مثل وصفه وحلياه ما القى مثيله بالمغارب والامصار=ما ضنتي حسنه على الوصف نلقاه انور من البنور أو صبح نظار=ليله مضى خمس مع عشر مبداه لو جو من الترك الدخاتر وشندار=وعبدالحميد وانيس ما سر بدواه لو الصواب بالعضم للعضم جبار=لاكن تناير بالضماير وقلت اه جني خوندات يدقن الازمار=قالن لي المبلي عزيز بدنياه وبليت بلو ايوب وبي الدهر بار=وياطي قلبي طي من بيح خفاياه قالن تهايم قلت ما فيه تنكار=قالن حزين وقلت انا يا قراره تبارزن دوني تمالا بالاشرار=وقالن جواب الحق ماقد سمعناه قلت اخبروني قالوا بشر بالاخبار=حنا هواك اللي بعيد تمناه انتم ثلاث بكار وبي الفكر حار=والقلب حار وبينكن ضاعت ارياه قالن تخير قلت مانيب مختار=انا سقيم طايح داه برداه ضهرت انا وياه وغدان صغار=الله لا يسقي حياة بلا ياه غديت عقبه بين الابيات دوار=يا من مناه الحب والحب عناه لولا الحيا لابني على القبر لي دار=واتم عنده جالس ما تعداه مرحوم ياللي ما بعد حس له جسار=ا لله يلم بشملنا عقب فرقاه الله يلم بشملنا لم الابرار=في ظل سدر المنتهى عل نلقاه الحب بالاجواد ما فيه اسرار=كلن على قدره شكا من زراياه خلون أفيض لي من الصدر معبار=الله لحد عزاه للقلب عزاه محد من الدنيا سليم من الاخطار=خسران يا من باع دينه بدنياه سالم العبيدي |
||
![]() |
![]() |
رقم المشاركة : 2 | ||
|
من قصائد الحكمة
يقول القحطاني هيضه صوت جاره=هيض على العين المشقاة جارها الجار يوصي به حقوق لوازم=لو هم خباث ما ينزل وقارها الجار والضيفان فرض على الفتى=لا بد من إبدال دار بدارها لا صرت معسور من المال معدم=فالنفس خففها بزين اعتذارها والعذر يقنع به من الناس عاقل=يكون نفسه ما يرى مقتدارها وطمن عيونك لا تباهي بشوفها=ترميك في نار تقطع شرارها والرجل لا تمهي لها في مسيرها=تخطر على روس الحيايا بغارها فإلى نويت بديرة تيتزورها=جنب رقاق القاع واتبع غزارها وانشد عن الي بينات فعايله=ترك رذال القوم واتبع خيارها ولا تصاحب إلا كود من ينطح العدا=إن طار من تحت السبايا غبارها واقنص بفرخ الحر لا صرت قانص=حتى تعود حايز من حبارها فلا شفت من دونك إثنين تشاوروا=إذنيك علمها بكتم أخبارها واحذر لسانك من جواب يعيبك=والعين سبر القلب والقلب دارها لا بد من هرج طويل على القفا=وقول على اليمنى وقول يسارها لا بد من قول على غير صايب=هرجة ردي مايميز قرارها ندري من الزلة ونخشا ونختشي=أيضا ولا انظر جادل في خدارها الأعمال بالنيات وللعبد ما نوى=ولا كل من ينوي على الحج زارها هذا كلام للملبين فايدة=يفهم معانيها ويبني حضارها ختمان قولي بالصلاة على النبي=عداد ما ينبت وتزهر ثمارها سالم العبيدي |
||
![]() |
![]() |
رقم المشاركة : 3 | ||
|
يعطيك العافية |
||
![]() |
![]() |
رقم المشاركة : 4 | ||
|
العبيدي |
||
![]() |
![]() |
رقم المشاركة : 5 | ||
|
تسلم اخوى..سالم |
||
![]() |
![]() |
رقم المشاركة : 6 | ||
|
الله يرحمها ويسكنها فسيح جناته |
||
![]() |
![]() |
رقم المشاركة : 7 | ||
|
صح لسانه |
||
![]() |
![]() |
رقم المشاركة : 8 | ||
|
صح السانه.. |
||
![]() |
![]() |
رقم المشاركة : 9 | ||
|
العبيدي |
||
![]() |
![]() |
رقم المشاركة : 10 | ||
|
سلمت لا هنت وشكرا |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 8 ( الأعضاء 0 والزوار 8) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
وفاة ولي العهد الأمير سلطان | الطائر المهاجر | المواضيع العامة | 9 | 01-01-2012 08:46 PM |
مختارات من ديوان الشاعر سلطان الهاجري | بيدي رسنها | رواد الشعر النبطي المعاصر | 8 | 02-03-2011 01:34 PM |
مات من اجل الحب (قصه حقيقيه) | المعلم | منقول الأدب العربي | 15 | 16-12-2010 06:50 AM |
ملخص محاورة سلطان بن شلاّح الغنّامي وشجا | شجاع عمر الأكلبي | ساحة المحاورات | 7 | 22-08-2009 12:27 PM |