يقولون الشعب يختار من يحكمه بالصندوق

[الطائر المهاجر]

يقولون الشعب يختار من يحكمه بالصندوق= واقول الهرج ذا خدعه توصل من يريدونه
يبيعوا ويشتروا باصوات جايع او لحقه العوق= وياصل طبل بيديهم يوجه كيف يبغونه
هوامير السياسه تحكمه ف الظل مثل الطوق = وتلعب ف البلد واللي يعارض ما يتركونه
واذا منّه تمرد او بدا يحتج لو بالذوق = لوو منه الذراع بتهمةٍ ثمن يشيلونه
فلا من حكم لشعوبٍ تباع وتشترى بالسوق= وتخدع في شعارٍ للعدل واللي يرزونه
بغابه ما بها غير الحصاني لاعبه برفوق = على اوتار حاجات الشعب باللي يعزفونه
فهذا عازفٍ بالدين من عزفه غدا موثوق = اذا من شفت شكله قلت حامي الدين وحصونه
وهو اكبر منافق كل ماله رشوةٍ وسروق = يحوش النار لقريصه ويخدع من يتبْعونه
يبي ياصل الى الكرسي واذا منه وصل مخنوق= سجد للي دفع به لو عطاه الارض وعيونه
وهذا لا سمعته قلت ثوري طالبٍ لحقوق= لشعبٍ انظلم ماهوب قادر يدفع ديونه
وهو تاجر يدور مكسبه والطاق بالمطبوق = واذا من وصل للكرسي سرق بنكه ومخزونه
وذا مثل السلوقي سابقٍ ماهوب بالمسبوق= على درب المذله خادمٍ للي يطعمونه
يتمسكن بالتواضع والشغل ماهوب بالمرهوق= واذا من وصل للكرسي يبيع الدار بمجونه
ضماير هالزمن ماتت فلا من عشق اومعشوق= سوى الدولار في سحره يخلي الخلق مجنونه
واحياناٍ يجي حاكم بلا تزوير او صندوق= يحب الشعب من قلبه وهم بالروح يفدونه
يقيم العدل ببلاده ويرفع قيمته من فوق = ويفعل كل ما بوسعه لاجل منهم يحبونه

[عبدالله الشويمان]

صح السانك يا ابوعبدالله

قصيده جزله من جزل

والله يقوم بالعون

دمت بخير ولا هنت

[داعي الشوق]

صح لسسااانك و حالك وبالك يا بو عبدالله

والله يختار الصالح لعباده اجمعين

ابدعت كعادتك دائما يا مبدع

و دمت بخير وعساك سالم

وصح لسانك مدد

[الـزلـزال]

الطائر المهاجر

نص مميز وجزل وفي الصميم
من شاعر متميز ورائع في كل نصوصه
أبدعت وأمتعت طائرنا
حلق بشعرك فتحليق شعرك يطربنا ونتلذذ به
صح لسانك ملايين ملايين
ولك فائق تحياتي وتقديري

[بنت النور]

صح الله السانك جزله من راس جزل

رائعه بروعتك

دمت بِكُلِ مَوَدَةٍ

[عبدالله السويلم]

صح لسااااااانك يابوعبدالله

مبدع كالعاده


جزاله وابداع


الله يكون بالعون


تحياتي لك

[ساهر الليل]

صح لسانك ياعود

كلام جميل وهو الحاصل

عسى الله يتولانا جميعا بعفوه وكرمه

هكذا الحال يا صاحبي

تحياتي لك يامبدع

[منيع]

جزل ومبدع
شكرا لكم
تحياتي

[الطامي]

الطائر
صح السانك ومنطوقك
جزلة من جزل
لاهنت

[حي الضمير]

ابدعت حيل ياشاعر الحكمة
ومدد صح لسااانك غالينا ابوعبدالله