فلاح بن منشار × الطامي الأثنين1/11/2010م

[الطامي]

الجمل ياعود مانسمع هديره=والحرامي في البلد عنده حصانه ( فلاح )
فكرتك ياعود للعالم خطيره=لو رطن منصور مانعرف رطانه ( فلاح )
كلكم في واد مانسمع صفيره = يالفطاحل عندنا مابه حصانه (الطامي )
الزمو المسار لاتروحون ديره = خارج الكون الفضائي ذي مهانه (الطامي )
انت جيت اليوم حامي بالذخيره=والعرب ماهم كعود الخيزرانه ( فلاح )
احترس من رمينا حول الفجيره=لايجي صاروخ به عشرين خانه ( فلاح )
شايفٍ لي غيم امطاره غزيره = الله يكافي شروره وارعدانه (الطامي )
عندنا له بسمله جعلت ستيره = من يلوذ بوجه ربي صح السانه (الطامي )
انت خايف غير من جر الجريره=واختفى واخفى عن العالم مكانه( فلاح )
لاتقول الغيم به للناس خيره=واعور الدجال قد قرّب زمانه ( فلاح )
مايخاف الا من يسوي نكيره = والا انا مسالم ولا احب المهانه (الطامي )
كم بروق تجيك مافيها مطيره = من ذنوب الناس والشاهد جمانه (الطامي )
لانكسر عظم الجمل ماله جبيره=وانت عايش بين من خان الامانه ( فلاح )
عين تبصر مار ذرعانك قصيره =ومن كثير الزاد صارت بك بدانه ( فلاح )
هي وهاي وهوه يالعين الدميره = ماتشوف الا الرفيق اللي وزانه (الطامي )
لو تجيني ضيف اشبعتك بريره = من خيار النوق وايضا من سمانه (الطامي )
انت جيد والكرم مثلك نصيره = مير وشبك غيرتك البرتكانه ( فلاح )
مارمينا بالعلوم المستديره=وانت وشبك ضقت يابو الاستكانه ( فلاح )
يافلاح اسلم عساها لك سفيره = مالكم والداب الاقشر وقربانه (الطامي )
خلكم في في خطكم حبحب مديره = واذ مارخصك زوود بدهنانه (الطامي )
معك جنيه وشايبها شخيره=ماتجيك الا وتاكلها لبانه ( فلاح )
تاكلك لحمه وتاكلها فطيره=لين خلت مابقى عندك فطانه ( فلاح )
زين شوفك بالجبال المستنيره = خنجرك في وسط بطنك من يمانه (الطامي )
على صوت الطقطقه ترقص بحينه = وسالم ومسلمٍ في كل خانه (الطامي )
ياعميل الخير ماعنهم مطيره = بردقانه خصرها جا به ليانه (الطامي )
اقبلو بك وانكفو مع دحديره = وذاك عجك من وراهم مع دفانه (الطامي )
لاتسب شيوخنا وابو هريره=لانرجع قصة اهل المكمكانه ( فلاح )
انت خابر ماجرى يوم البغيره=كيف تنزل بالذي عالي مكانه ( فلاح )
لاتحورفها عساكم بالسعيره = اصلح النيه وخل ابو دجانه (الطامي )
ماجزا الا بذنب ياراعي البحيره = ماخبرنا مسالم جاته مشانه (الطامي )
كيف اخلي راعي الخيل الحريره=اشهد ان ابو دجانه له مكانه ( فلاح )

[عبير الورد]

تابعتكم على الشات الكتابي


صحت السنتكم جميعا ولاهنتو شعرائنا المبدعين

[الطامي]

اهلا عبير
صح بدنك
وشكرا لمروركي هنا وهناك
لاهنتي اختي

[داعي الشوق]

ما شالله عليكم

محاورة جدا رائعة

لله دررركم

و مشكوور يا بو محمد على اتحافنا بها

ولاهنتوا

[نجم الإبداع]

تسلم على النقل ابو محمد هههههه

شكرا لك ولكل من مر وسيمر من

هنا

مودتي

[عبدالعزيز العمار]

صحت السنتكم وقلوبكم وماقصرتو يالشعار الفطاحل

تحياتي وتقديري

[الطامي]

داعي
صح بدنك
وشكرا لمرورك
لاهنت اخي

[الطامي]

فلاح
لاشكر على واجب
شكرا لك

[الطامي]

ع بن عمار
صح بدنك
وشكرا لمرورك
لاهنت اخي

[نفحات حساسة]

صح السسسسانكم جميع..

ولاهنتواااااااا..