خذت مني الليالي ماتريده (اغنيه والقاء)

[الطائر المهاجر]

غناء الفنان المبدع فهد


بصوتي

خذت مني الليالي ما تريده = عطتني الشيب وهمومٍ توالا
على قلبٍ يحس بها وقيده = ابي تطفى وزادت اشتعالا
قديم الهم يفزع مع جديده= وانا وحدي ولا لي إحتمالا
تناوشني بطعناتٍ سديده = تزيد الحال سقمٍ واعتلالا
حرقت النفس مرّاتٍ عديده = وهملت اللي تبي لاجل العيالا
قصرت الرجل ما تبعد بعيده= وعقلت الساق عن كل ارتحالا
بعد ماكنت طيرٍ من يصيده = احلق في الفضاء شرق وشمالا
ابيهم كلهم شهم ووليده = ابيهم من حلاحيل الرجالا
أبي كلٍ يفكّر في عضيده = ويشيل حمول لو ماهي ثقالا
بوقتٍ صعب واحوالٍ شديده= بلا من يسنَدك مالك مجالا
بدل ما كل واحد في بديده= بنفسه بسّ ولغيره محالا
لك الله يازمن هذا رصيده= تغيّر في الطبوع بكل حالا
شبابٍ جاي بسلومٍ جديده = وسلم اللي سبقهم بالزوالا
شبابٍ ما عرف عينٍ سهيده= يعيش بلا همومٍ كالجهالا
على الشيبان مركاته حديده= يمرّ العمر عاله واتكالا
مريح النفس واحواله سعيده= رجل ما له عيال ولا حلالا
اذا كثروا ربط نفسه بقيده= بضرايب هم في ثقل الجبالا

[الأموره]

حرقت النفس مـرّاتٍ عديـده = وهملت اللي تبي لاجل العيـالا
قصرت الرجل ما تبعد بعيـده = وعقلت الساق عن كل ارتحالا
بعد ماكنت طيرٍ مـن يصيـده =احلق في الفضاء شرق وشمالا

،،،

اسمح لي ان امر بصمت ،،

فذلك ابلغ من الحديث ،،

شكرا لك ،،

دمت برعاية الخالق ،،

[الطائر المهاجر]

شكرا للأمورة الفاضلة
على كريم الحضور والتفاعل الراقي
دمتي بخير
مع أطيب تحياتي

الله الله الله عليك يالمهاجر

قصيده قصيده

تعجز كلماتي

عن مابداخلي

صح لسانك

يالغالي

[الطائر المهاجر]

هذا حالك بعدين اذا وصلت لسني
يمكن تذكرها ، وتهيضك وتجيب احسن منها

[علي محمد العتيبي]

ابو عبدالله

ياسلام عليك

ابداع وامتاع

لله درك من رائع


صح لسانك مليوون



اعجابي واحترامي

[منيع]

قديـم الهـم يـفـزع مــع جـديـده=وانـا وحــدي ولا لــي إحتـمـالا

ابيات تحمل نفس المعاناة الحقيقي من رجل متمرس في هذه الحياة
كتبت فاابدعت واجدت وافدت
تحياتي

[ابوعبدالرحمن القريشي]

شبابٍ جـاي بسلـومٍ جديـده.....وسلم اللي سبقهـم بالـزوالا
شبابٍ ما عرف عينٍ سهيـده.....يعيش بـلا همـومٍ كالجهـالا
على الشيبان مركاتـه حديـده.....يمـرّ العمـر عالـه واتكـالا
مريح النفس واحواله سعيـده.....رجل ما له عيـال ولا حـلالا
اذا كثروا ربط نفسـه بقيـده.....بضرايب هم في ثقل الجبـالا

ابو عبد الله
كلماتك غنية عن التعليق
فمعانيها نبراسها

لكن عسى مهب العيال غاثينك بس...... الله يهديهم

[صوت الإحساس]

الصمت في حرم الجمال جمال





[blink]

لاتعليق

[/blink]

[نجم الإبداع]

الله يابو عبدالله

صح قلبك ياشيخ

حكمه راقيه

ابدعت

لاهنت اسناذنا

فائق الاحترام