نكبة العمر اول مصافحه لي

[يوسف بن سليم المشرافي]

السلام عليكم ورحمه الله وبركاته


اول مصافحه وان شالله تنال اعجابكم

نكبة العمر.......................

مايضر الادمي غير نكبات الليال=وانت نكبة عمري اللي بدى بك وانحدر
من عرفتك وانامابين ميله واعتدال =تايها فكري وممشاي ماهو مستقر
وكل ماجيت ابى اوضح علي قربك مثال=ضاقت بوجهي جميع المثايل والعبر
ودي اعلن حبك اللي غدالي راس مال =بس من يمنع ظروف الليالي والقدر
كل ماشديت عزمي على حل الحبال=زادة العقده وعزمي تثنى وانقصر
وكل مابان الحيا والرعد وسط الخيال =اختفى برق الحيا لارعود ولا مطر
وكل ما تأتي طواريك وتهز الخيال =تهطل الدمعه على الخد ويبين القهر
والتفت لكتابي اللي عنى في كل حال =ضيقة الايام والهم ودروب العمر
واعسف المهره وتأتي على صوت القتال =وتاصل الميدان واللي على بالي حضر
وكم حبرن جف من دون رمشك والخصال=ماوفى بالوصف وازرى يكمله سطر
وحبك اللي وسط صدري ربى فوق التلال =طالت سنينه وكبرت غصونه وانحصر
مدري الايام تكشف خفايه بالوصال =والا يبقى الصمت فيني ويبقى مستمر
نوب اقول الحمل جاهز على ظهر الجمال =ونوب ابرك ناقتي والتفت صوب القمر
واشكي الله حالتي بالجنوب وبالشمال =ياعسى حظي يجيبك على طول العمر
يوسف بن سليم=

[الطائر المهاجر]

ارحب يالمشرافي
جزلة من راس جزل وشاعر متمكن
صح لسانك ولا هان راسك
تحياتي الطيبة

[سناعيس]

الشاعر يوسف بن سليم المشرافي
صح لسانك ولله درك
مصافحة أولى جزله ورائعه
وحياك الله في منديات كل العرب (الفطاحله) وبين أخوانك وربعك
لاهنت

تحياتي

[نافع بن محمد البويت]

مرحبا بك يالمشرافي
جزلة من راس جزل
صح لسانك لاهنت

[يوسف بن سليم المشرافي]

الله يبارك فيك اخوي الطائر المهاجر

شهاده اعتز فيها ياطويل العمر

وصح بدنك ولاهنت يالغالي

احترامي وشكري

[يوسف بن سليم المشرافي]

سناعيس صح بدنك يالغالي

الله يبارك فيك يالغالي ويشرفني ويسعدني

ماتهون ان شالله

تحياتي

[يوسف بن سليم المشرافي]

اخوي نافع بن محمد

الله يبارك فيك يالغالي

وصح بدنك ويعطيك الف عافيه

شكري واحترامي

[عبدالله الشويمان]

صح السانك يا اخ يوسف

قصيده رائعه من شاعر رائع

لا هنت اخوي

[يوسف بن سليم المشرافي]

صح بدنك اخوي عبدالله

الاروع والاجمل حضورك يالغالي

تحياتي

[ناصر عبيد الهواوي]

لله درك يالمشرافي
غاية الروعة والابداع والجمال
احسنت وامتعت شامخة جدا جدا
بيض الله وجهك واهلا بك