يقولون قطع اعناق لا قطع الارزاق

[الطائر المهاجر]

يقولون قطع اعناق لا قطع الارزاق= وينسون قول المصطفى في وصاته
فرزق ابن آدم يطرده وين ماساق = ولا يتركه لو قربّت به وفاته
فلا شفت باب انسد او شفت ماعاق= فدور بديلٍ دون يأس بلقاته
واذا ضقت من ارضك ترى الكون ماضاق= فغيّر مكانك لاتحمّل عناته
ولا شفت جمعٍ ثار لاتكون سباق= ولو يعجبك مطْلبه باجمل لغاته
ترى الناس مثل البط لاسمع نقناق= يردّد وراه الصوت لو جهل ذاته
ولا يدري اللي كان يخفي بالاعماق= ومن خطط لفعله ويحمي حصاته
فحنا بزمانٍ بين شاري وبوّاق= وبايع ضميره غارقٍ في سباته
يضحي بغيره ماعرف قلبه اشفاق= ويقبض اجاره مفتخر في سواته
فخلك حذر من كل ماكر ودرّاق = يخادع لعقلك ماعرفت لْحكاته

[عمر ال شيبي]

صدقت وصح لسانك مليون المليون

حكم في وقتها لله درك

[حرف وشعر]

حكمه من حكيم لله درك ياشيخ

دمت ودام عطائك

[منيع]

واذا ضقت من ارضك ترى الكون ماضاق
فـغـيّــر مـكــانــك لاتـحــمّــل عـنــاتــه
ولا شـفـت جـمـعٍ ثــار لاتـكـون سـبــاق
ولــو يعجـبـك مطْـلـبـه بـاجـمـل لـغـاتـه
تـرى النـاس مثـل الـبـط لاسـمـع نقـنـاق
يــردّد وراه الـصـوت لــو جـهـل ذاتـــه

نعم ارص الله واسعة
عين العقل والحكمة
تسلم يادكتور
ودي وتقديري

[روح الشعر]

صح لسانك واعتلى شانك

وافي يبوعبدالله بقصيدك


تحياتي

[داعي الشوق]

صح لسااااااااااانك مليووووون

و لاهنت يا دكتور

مع التقدير

[الـزلـزال]

الطائر المهاجر

نص مميز ومتقن وهادف
من شاعر متميز ورائع في كل مايقدمه لنا
أبدعت وأمتعت طائرنا رعاك الله
حلق بحروف شعرك ولنا الأستمتاع بها
صح لسانك ملايين ملايين
ولك فائق تحياتي وتقديري

[سمّار]

صح لسانك
قصيدة معبّره وهادفه...
وتوضيح لوباء انتشر بين الناس من قديم وهو ترديد الكلام لمجرد سماعه بدون ادراكه
سلمت يادكتور وسلم منطوقك
لاهنت

[عمر ال شيبي]

نعود الذوقكم قلبي ونشرب من عذوبتها

[الطائر المهاجر]

شكراً اخي عمر
على كريم المرور
لاهنت
تحياتي