بــاح الضمير

[ماجد المهدي]

@
@

باح الضمير وهاك ما باح يا خل = واعذرني لا جاك الضمير بعتابي
غبت بهلالك والفرح فيني ما هل = والحزن اشرق والعنا دق بابي
وازريت صابر يمكن اليوم تسئل = ويضيع يومي اسئله ابلا جوابي
يا هل ترى مذكري يا ترى هل = بستان عهدي ما تحوّل سرابي
ويا هل ترى يشتاق لي يا ترى هل = يبْلغْه مرسالي ويقراء كتابي
أبيّح بغيْبتك الأعذار بلعل = أكره غيابك وانت تعشق غيابي
حتى ابتلى قلبي وبالهم اعتل = والدمع منّي صبّ صبّ السحابي
ذليت لك نفسي وأنا ما عرف الذل = وسهرت ليلي لين ليلي سها بي
وآعز ربعي ما رحمني وحلّل = لحمي لعذالي وحتى صحابي
من سبتك مغموم لاضحك ولا كل = وأنته ولا انته ضاربٍ لي حسابي
والحين جيت وكل أمرٍ تبدّل = ما عاد تفرق ردتٍ أو ذهابي
وما عاد لك في القلب شيءٍ يُبجّل = يعني بصراحة لو تشق الثيابي
النفس ملّت منك والشوق قد مل = والجرح غاب و طاب والقلب طابي
ما نيب عايد لك ولا نيب مختل = حتى أعوّد للشقا والعذابي
باح الضمير وجاك ما باح يا خل = واعذرني ما جاك الضمير بعتابي

تحياتي

ماجـــد المهدي

[داعي الشوق]

صح لسانك يالشاعر ماجد المهدي

مميز دائما بكل ما هو جميل

حتى قافية القصيدة تختارها بعناية

تحياتي وإعجابي مع التقدير لك ،،،

[حوريه]

شاعرنا الراقي...مااااجد المهدي

صح لسانكـ .. ـ .. وشعركـ

قصيده راقية ورائعه

و قمه فى الإبداع و التألق

دمت ودااااام الشعر

[عبدالعزيز العمار]

شاعرنا ماجد المهدي /

صح لسانك وجاد بيانك ..

دائما مبدع وممتع بارك الله فيك..

تقبلراجمل تحيه وتقدير..

[الخنساء]

صح لسانك اخي الشاعر ماجد

لاهان راسك قصيدة راائعة

سلمت وسلم شعرك

دمت بخير

[الـزلـزال]

ذليت لك نفسي وأنا ما عرف الذل=وسهرت ليلي لين ليلي سها بـي

ماجد المهدي

هذا ماجنينا من الحب

سهر , ذل , عذاب

ونادرآ قطف ثمار الحب بعد كل هذا العنا


دائمآ مبدع في بوحك

صح لسانك ملايين


ودمت بخير

[نجم الإبداع]

الله الله

صح لسانك ياماجد

مصافحه جزله

لاهنت

تقبل مروري

وودي

[الطامي]

المهدي
وباح الضمير
الله عليك مأروعك
كأنك تقولها على الساني
صح السانك وبنانك
ولاهنت يالغالي

[ابومياس]

ماجد المهدي

اخي العزيز والغالي

نص متوهج بحظورك الرائع

صح لسانك وبيض الله وجهك

دمت بخير

[عبدالعزيز العقيدي]

ماجـــد المهدي
تسلم وصح السانك
جزلة من راس جزل
تحياتي لك
دم بخير