تَأبِيـــْــــنٌ

مروان الشيخ · 31-05-2009, 10:59 PM

مدري منهو جار فينا

وقتنا والا يدينا

نشتكي مره بعضنا

ومره نشكي حاسدينا

ومره نسكت

ومره نكبت

في بحر من صمت ضعنا

لا له شط

ولا له مينا

وما عرفنا

انتهينا

والا تونا

ما بدينا!!

على نفس الطريق اللي جمعــــنا =فقدتك وانتهينا لو رجعـــــــــــنا
فقلبي طيف لاحساسٍ سكنــي=ثلاث سنين واصبح دون معنى
بداية حبنا كانت غريبــــــــــــــه=و الاغرب لانتهينا واقتنعـــــــــنا
وكن اللي مضى حلم وتبـــــــــدد=ليا منه بدا الصبح وفجعـــــــــــنا
عرفتك شمعتي في ليل حـــزني=وذاب الشمع والليل ابتلعـــــــنا
زرعنا في بياض وقت بسمـــــه=ولكن ما حصدنا .. ما زرعنا
انا مدري ألوم الوقــــــت والا=ألوم اللي دفعــــنا واندفعـــــــــــنا
يقال الطير لامن طار وقــّــــع =وحنا مثل ما طرنا وقعَــــــــــنا
حقيقه مثل نور الشمس يصعب=نحجب الشمس لو قلنا وبعنا
نجامل ليش والدنيا وســـــــيعه=فلا من شافنا ولا من سمعـــــنا
انا حدي من اللي صار ذكـرى=بحر في غبة احساسه برعـــــنا
وقولي للطريق وكل شاهــــــد=تغــــيرنا ولو فيه اجتمعــــــــــــنا
لان احساسنا بالحب ميـــــت=وصلينــــــا عليه ولا ركعــــــــنا

.

ترانيم المطر · 31-05-2009, 11:11 PM

لله درك
لله درك
جزله من جزل
دمت ودام تميزك
تقبل من التحيه أغلاها
ودمت بود

نفحات حساسة · 31-05-2009, 11:37 PM

صح الله السسسسسسسسسانك اخووووى..مروان
ولاهنت..قصيده بقمه الروعه يعطيك العافيه..تحياتى
ولى عوده

ماجد العديلي · 31-05-2009, 11:37 PM

مروان الشيخ

أبارك للمنتدى تواجدك بهذه القصائد الرائعه

فعلاً مميز

لان احساسنا بالحـب ميـت
وصلينـا عليـه ولا ركعنـا

قاف متألق وإحساس متأجج ومفعم بالمشاعر

وكلمات فائقة التركيز...وخيال آخاذ .

صح لساااااانك

سجل اعجابي ولك تحياتي

أخوك ابوطلال العديلي

الـزلـزال · 31-05-2009, 11:46 PM

انا حدي من اللي صار ذكرى=بحر في غبة احساسه برعنـا
وقولي للطريق وكـل شاهـد=تغيرنـا ولـو فيـه اجتمعنـا
لان احساسنـا بالحـب ميـت=وصلينـا عليـه ولا ركعنـا

مروان الشيخ
بوح رائع ومتقن
من شاعر متميز ورائع فيما قدمه
أبدعت شاعرنا وامتعت
رعاك الله
صح لسانك ملايين ملايين
ولك فائق تحياتي وتقديري