ابيات موجهه للأبن فهد وخوياة اثناء سفرهم

[الطامي]

ابيات للأبن فهد وخوياة اثناء سفر عمل لهم

يافهيد والا يافهد يابومنصور = سلم على ولد ولد عمةٍ لي
الرجل قرم وطيب ووافي شبور = واسمه على روس الشواهق يعلَي
الى اجتمع شخصه بشخصك بجاخور = ومعكم نشامى قربهم مايملَي
كل ابلج ينطح شبا كل خابور = لاقصَر الشارب ووقف التسلَي
ولاعاد ترثة كل عودٍ بمعذور = اللي يجدد فعل جده لاحلَي
هاذي طراة الروح وادَخل سرور = وتنسيك هم القلب عش مسفهلَي
والغربه تحول رجَال من الكور = من قبل كانو في عيونك ياللَي
وترفع رجال بعرفهم تكتب سطور = بفعل ومديح مع ابيات تشَلَي
اوصيك واوصي كل قرم ومنعور = وكل اخوياك ان المفارق يحلَي
اما يعود الرجل بنعم وله دور = وتذكر افعاله عند ذكره لاحلَي
كلً على خوته يفرح ومسرور = ذيب السرا ماهو خداجِ مفلَي
والسمعه اللي ترافق الرجل ماتبور = قولة نِعم وان جاو ربعه يهلَي
ماهي مثل قولة رديِ ومعثور = خلوه جعله وان وقع مايشلي
ابيات اقدمها ولا فيكم قصور = ماغير للتذكير ياعزوةٍ لي

[منيع]

ابيات وافيه من اب ناصح والنعم بمن قال وفهد وخوياه
تسلم يالطامي
تحياتي لكم

[الطائر المهاجر]

صح لسانك
طيبه من طيب
لاهنت
تحياتي

[الطامي]

هلا منيع
صح بدنك
والنعم بحالك
ومن قال يسلم
وشكرا لمرورك
لاهنت

[الطامي]

الطائر المهاجر

صح بدنك
ومرورك الأطيب

لاهنت

[هترل]

صح لسانك يابو محمد مليارات
مبدع ورائع ويستاهل فهد هذا التوجيه الأبوي عسى ماهوب شاعر بس
لاهنت وافيه من وافي
ودي

[بنت النور]

ياسلام من نصائح حلوه اثناء السفر
وصح لسانك وعتلى شانك
ابيات في قمة الروعه
لاهنت
تقديري واحترامي

[داعي الشوق]

تأثير غيابه ظاهر على القصيده

يرجعون بالسلامه ان شالله
وصح لسانك ابو محمد

ولاهنت