ياللي تقولي ان القياده سهله

[احمد الكثيري]

يا اللي تقولي ان القياده سهله = وش عرفك يابنت لف الطاره
ما تعرفي الا القدر ويا والدله = وتنظفي بيت امتلا بغباره
لا تتركي في البيت ذيك الكهله = اللي تنادي بصوتها يا ساره
وين الفطور وعلميني القبله = اعطيني الشرشف مع النظاره
لا يشغلك يابنت حكي الشِله = وبث السموم القاتله بخباره
شله تمنى العار وبلا ادله = لبناتنا ولا يغير لعاره
مره يقول عندي شاليه وفله = ومره يقول الحوش فيه اناره
يشوف بنت الناس عنده عمله = يقدر يصرفها حسب مقداره
يجعل كبده في وسطها عله = اللي يدمر ديننا بفكاره
الله جعله بالبلا في شكله = اللي تقول راسه كما السناره
يلعن ابو اصله ويلعن فصله = الكافر الملعون يخرب داره
والا بني علمان مثل التفله = خسارتن كلا حسب مشواره
هات النجر والقدر قدم المله = ونحط من دخانها دواره
والعلمني نرميه عنا بعزله= راعي العلوم السيئه المنهاره
والناشطه بنت البلد و لكحله = باعت شرفها وراكبه سياره
تقودها والعلمني تسجدله = وديننا قامت برمي شعاره
واللي على الموتر تشيله شَله =ونشوفها من حاره الى حاره
مادري وش المقصود من ذالفعله = شين ن ولا قمنا على انكاره
هذي علومي والكلام افطن له = ياللي تقول المزح من دسواره
هذا حروفي ياملا في جميله = سطرتها وحروف شعري شاره
راعي الادب ما ينتظر للمهله = ويحط خشم العلمني بغباره

[بنت النور]

هـــذا حـروفــي يـامــلا فـــي جـمـيـلـه
سطـرتـهـا وحـــروف شـعــري شــــاره
راعـــي الادب مـــا يـنـتـظـر للـمـهـلـه
ويــحـــط خـــشـــم الـعـلـمـنــي بــغــبــاره



صح لسانك وعتلى شانك
مبدع ورائع وجزل
شكرا لك
تحياتي

[الطائر المهاجر]

انتم سبايب ما تدور عبله = فالرجل اصبح منشغل عن داره
لو كل واحد قايمٍ في شغله = ما احتاج سواقٍ يلف الحاره
يسوق بالحرمه ولو هي بعله= ومن يامن الحصني فجعه بغاره

صح لسانك
طيبه من طيب
لاهنت
تحياتي

[نفحات حساسة]

صح السانك ../ احمد

ولاهنت يالجزل..ابيات رائعه لطرح موضوع مهم

يعطيك العافيه ..ولاهنت...

تحيتي لك..

[الطامي]

الكثيري
صح السانك
ابدعت واجدت
شكرا لك

[داعي الشوق]

صح لساانك و طاب حالك ولاهنت احمد ..

ليتهن يسوقن و يريحونا من مشاويرهن

[ساهر الليل]

هههههههه على قولك يا داعي

صح لسانك يالكثيري

ولاهنت

[حي الضمير]

صح لسانك شاعرنا
ابدعت لافض فوك

[نجم الإبداع]

صح لسانك وفكرك

وهجمه شرسه على من خالف الاسلام

لاهنت ساعرنا

تقديري

[حرف وشعر]

سوف يغلبن على الراى مع الزمن ،،

صح كلك ،،