حيـّاك يلي كل مابك فتنـّـي ..

[عبدالله راشد الثويني]

السلام عليكم ورحمة الله وبركاته

متواضعه جداً أضعها للتواصل لعلها تنال القليل من إعجابكم

حيّ الله .. اللي نظرته تصلح الحال = لا سلهمت .. ينساني الهمْ ويزول
جريت له من داخل القلب موال = من بعد ماني في حلاياه مذهول
من دون ماتظهر حلاها وتختال = سيف الحلا في كل الاوقات مسلول
إن روّحت ، ولا ليا جتك .. بإقبال = زينه يفوق الوصف بالعرض ، والطول
الوجه .. نوره بـان ، ماردّه الشال = تغنيك طلـّـتها عن الوصف ، والقـول
و العين عين الحر ، لا صابـه إهبال = من بعد ماهدّو سبوقه على الجول
تعطيني النظره لها كل .. الآمـال = تشفي جروح اللي من الوقت معلول
الطبع هادي ، والوفا فيه مازال = والهرج كنـّـه دُر .. والريق معسـول
ولا الشفايف ، بينها حرب ، وقتـال = دايم تنـاوشها بـسن(ن) كمـا اللول
وخدودها للـورد ، مسكن ومنزال = ماصابها وقت المتاهات .. بذبول
وإن مـال خصره ، وآشقا القلب لا مال=من دون مآ آشعر قلت : ياحيّ ذا الزول
ترميّ بميلتها الصبايا .. على الجال = راع الهوى عن غيرها صـد مشغول
كنـّـي معه مربوط لا راح بحبـال = من وين ماوجـّـه معه ... صرت منتول
إن فلّ ، شعره قلت : كـن المسا طال ! = ماهو على من تـاه ويـّـاه .. مسؤول
وإن شفت بآسفل عنقها حبـّـه الخال ؟=نقطة قلم شاعر . عن الوصف مخذول

[عيدالماجد]

صح الله لسانك نص عذب وراقي استمتعت بقراءته ولنا عوده قريبه تقبل اصدق تحياتي

[همس الورد]

صح لساااااانك

و صح بدنك

بووووح رائع

يسلموووووووووووا

[منيع]

ابداع وتميز
شكرا لك ولحرفك الراقي
تحياتي لكم

[مبروك بن ماضي]

الاخ الفاضل الشاعر / عبدالله راشد الثويني
ما أجمل الوقوف على عتبات كلماتك
صح لسانك مدد بلا عدد
فقد أستمتعت بكل حروفها
تقبل تحياتي وتقديري
أخوك / بن ماضي

[الراقي]

صح لسانك يالشاعر

أبدعت يالرائع وتألقت

لك كل الشكر

^^^^^^^^^^^^^^^

[داعي الشوق]

صح لسانك يا بو راشد

شاعر جميل و جزل و رائع

صح لسانك مدد

مع التحية لك و التقدير

ولاهنت

**********

[حوريه]

صح لسانك جزله

من شاعر جزل

دمت ودام حرفك

ونبضك

.......

[مشعل الشايقي]

الله عليك ياجزل


صح لسانك وعلا شانك


على هذه الرائعه الوافيه


تحيتي وتقديري

[الـزلـزال]

عبدالله الثويني
بوح مميز ورائع
من شاعر متميز ورائع فيما قدمه
شاهدنا في هذا البوح أوصاف للمحبوبه غايه في الجمال
أبدعت وأمتعت غالينا في تصوير غاليكم
صح لسانك ملايين ملايين
ولك فائق تحياتي وتقديري