اقول لك والله مابك حيله

[سهيل الشمري]

العفو

العفو

عن انقطاعي

.
.

انا اشهد انك درّة الدّراتِ = واقول لك والله مابك حيله
جيتك بعد ماملّ طول اسكاتي = جيتك ثنا واعجاب طافح كيله
لا ماقويت اسكت وازيد اسْباتي= الواجبه شدّت بفكري خيله
اقول لك شعر ٍ وموجه عاتي= وياويل من ياقف بوجهه ويله
تستاهلين المدح عبر ابياتي = ولك طشّت عقالي بعد تمييله
واوقف لعينك شيخة الترفاتي= واقول نبض البنت ناف بجيله
هذي مشاعر صادقه من ذاتي = قلته بعد مالنّبض شدّن قِيله
خوذي ولمّي ماحكتْه اشفاتي = نبض ٍ من اللي ساهر ٍ واسْهيله
مير اسالك لاتجزي الشرهاتي = لعيونك انظم راقي التفعيله
واقول لك ياعذبة الضحكاتي= فيك القصيد يزين والله شيله
وابْك القلم يرسم على اللوحاتي = اروع مشاهد والعيون اتخيله
خفه ورقه كنه النسماتي= والستر والعفّه لراسك شيله
من قلبي اخذي نخبة ٍ عجلاتي = ابيات ٍ الْعينك يعطْعطْ هيله

[زهرة اللوتس]

الاخ سهيل الشمري
قصيدة رائعة
جزلة من شاعر جزل
وفقك الله
تسلم ويسلم فكرك
تقبل
مروري
تحياتي
وتقديري

[حرف وشعر]

الشاعر سهيل الشمري

ابيات وقصيده رائعه

واصل وامتعنا

تقبل مروري

[حوريه]

سهيل الشمري

وأنا اقول ما فيك حيله

قصيده راااائعه من شاااعر رااائع

ومتمكن... صح فكرك وإحسااااسك

دمت بخير

[عذب القوافي]

الوافي / سهيل الشمري

صح لسانك نص وافي من وافي

تقديري يالغالي,,,,,,

[منيع]

واقـــول لـــك والله مـابــك حـيـلــه

وانت مافيك حيلة ياسهيل
ابيات رائعه
تحياتي لكم

[الطامي]

سهيل الشمري
صح السانك وبنانك
وما فيك حيله
شكرا لك ولاهنت

[خافي العبره]

صح الله لسانك ولاهنت
مافيك حيله واللهـ
نتريا الزود من صوبك ^^

[محمد عبدالله البدراني]

العزيز الموقر سهيل الشمري سلمه الله


الله الله عليك


ياهلا ويامرحبا لو ماودنا تغييييب ياسهيل تكفى

بمثل هذا الحضور المشرف المثري يزدان الشعر وتورق اشجاره


الله الله عليك

ومليون مليون مليون مليون مليون صح السانك ولايكفون

بيض الله وجهك


الله مااروع ماقلت وهنا هنا هنا بصمه خاصه:

خفه ورقـه كنـه النسماتـي
والستر والعفّه لراسـك شيلـه
من قلبي اخذي نخبة ٍ عجلاتي
ابيات ٍ الْعينك يعطْعـطْ هيلـه




تسلم ويسلم ذوقك ياسهيل


لله درررررررررررررررررررك ياشيخ

لله درررررررررررررررررك


تكفى لاتغايب


تحياتي
مع اسمى ايات الشكر فائق التقدير واطيب المنى رعاك الاله

[صوت الإحساس]

لله درك ياسيهيل


وصح لسانك حتى ترضى


حضور يكسوه الجمال


وتفوح منه العذوبه



بيض الله وجهك يالجزل



صادق الود