صوت وصدى بيني وبين الشاعر حضير البراق

صوت وصدى بيني وبين الشاعر/ خضير نايف البراق

لاغرابه كان هبت من الاربع جهات=الغرابه كان ماثور الجو أغبره
كانوا الشعار خمسين من خمس سنوات=وكل عام كان زادوا يزيده عشره
لين كل حط له في طرف بيته قناه=وبعدها صرنا شواعير رجال ومره
وانت ياللي كنت تلوي رقاب المعجبات=والله ان لك في غيابك عن الشعر أخيره
يبو نايف بعد صارت حيل ومزايدات=يازميل الحرف ماعاد للشعر ثمره
غيروا وجهه عن النهج واصبح في شتات=مابقى بينه وبين الجنون ألا شعره
فيه هم ولابس حزن دجله والفرات=جاه من قطّع وصاله ومن فج أنحره
افزعوا له في ظهور المهار المسرجات=حد باق له على الارض ياخضير شجره

زيد راجح(منتظر)

الصدى

يبوراجح كيف أجاري بيوت شاردات=من قراهن عاف شعره وقال المعذره
اشغلني واربكني بدون مقدمات=واستبدن بالمشاعر وسون شوشره
صاغنهن فنان ماهر بيوته فارقات=حبكته مايحتويها القلم والمسطره
ثار ثورة غاضب مل من طول السكات=ماتحمل واقعّ شاف له فيه اغبره
يبو راجح لو بغينا نعيد الذكريات=مايطاوعنا زمان السمر والسمسره
حولوا شعر الجزيره طرب ومسابقات=والنتايج كلها مسخره في مسخره
خطوة التغيير تبدأ من الناس الثقات=عودة اهل الشعر للشعر عز ومفخره
انعشونا بالجدايد وزيدونا ثبات=لاحضرتوا غابت اصوات ناس منكره

خضير البراق

[الصريح العتيبي]

محجوووووووووووز

[عيد بن سعدون]

صوت جميل وصدي جميل

صح لسانك ولسانه ولا هنتما

وتطمن مازال الشعر بخير

والبقى للافضل

تقبل مروري

اخوك
عيد بن سعدون

[الطامي]

زيد بن راجح
صح السانك والسان البراق
صوت وصدى طيبين
لاهنتما جميعا
وشكرا لك

[خافي العبره]

صح لسانك ولسانه ولا هنتما

ابيات ابداع × ابداع
ماشاء الله عليكم
الى الامام
وبيض الله ويوهكم

[عبدالعزيز العقيدي]

الشاعر /زيد رابح
تسلم وصح الله لسانك
على هذه الديباجة الراقية
تحياتي لك و لأبداعك الراقي
دم بحضن الود والتقدير دوماً

[ابومياس]

صوت وصدى من شعراء كبار

صح لسانك ولسان خضير

جزالة في المعنى

دمت بخير

[الطائر المهاجر]

صوت وصدى من شاعرين كبيرين
صح لسانك ولسانه
ودام ابداعكما
ولا هنتوا
تحياتي الطيبة

[حوريه]

زيد بن راجح
صح السانك والسان البراق
صوت وصدى طيبين
لاهنتما جميعا
فائق الود والتقدير

[ام العمده]

الشاعر القدير/زيد

صوت وصدى رائعين
صح لسانكم واعتلى شانكم
لاهان راسكم
تحياتي وتقديري