|
همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه |
![]() |
|
أدوات الموضوع |
![]() |
رقم المشاركة : 1 | ||
|
طلبت عين الشمس عودٍ من الضي=في حلكة الظلماء يولِّع سراجي
قالت لي ابشر ثم غابت عن الحي=وانا لعين الشمس مازلت راجي لا مر عامٍ قلت ابنتظره شوي=ياعل صبري ينتهي بانفراجي عشرين عام انطر ولا شفت انا شي=غير الظلام وحيرتي واحتياجي عشرين عام ومهجتي جرحها نيء=اكابد الحسرات شربي هماجي الناس قالت وشلك بطرد مقفي=ماطعتهم و اليوم صعبٍ خراجي حكَّمت قلبي واثري القلب مخطي=الفوت فات ولا يفيد احتجاجي حفرت قبري ياهل العرف بيدي=يوم اتبع المقفي لموتٍ مفاجي رحت ابي اعالج قالوا الجرح مبطي=العالم الله كآنك انسان ناجي وبدأ يبيع الياس فيني ويشري=وضاقت بعيني واسعات الفجاجي وجيت ابي اقوم وعيّت الرجل تمشي=كني سجينٍ حال دونه سياجي وامسى نديمي كسرة سراج مطفي=لاليلي انصفني ولا الصبح باجي عزاه من خلٍ ذبحني واناحي=سكناي الأرض وهو سكن برج عاجي حسيبك الله كآنك اسرفت بالغي=كيف العزيز يصير برضاك لاجي ياما دعيتك ريم وخشيف وظبي=ولا هقيت انك تعكّر مزآجي تركتني في قاعة البير مرمي=ولعبت بي لعب الطفل بالعياجي آخر علاج العله الخافيه كي=كويتني واخفيت عني علاجي |
||
![]() |
![]() |
رقم المشاركة : 2 | ||
|
صباح مفعم بالشعر |
||
![]() |
![]() |
رقم المشاركة : 3 | ||
|
طلبت عين الشمس عودٍ من الضـي |
||
![]() |
![]() |
رقم المشاركة : 4 | ||
|
الـنــاس قـالــت وشـلــك بـطــرد مـقـفــي |
||
![]() |
![]() |
رقم المشاركة : 5 | ||
|
دائما مبدع ومتجدد الابداع |
||
![]() |
![]() |
رقم المشاركة : 6 | ||
|
أحمد الجريفاني
بوح مميز ورائع وجميل من شاعر متميز ورائع في كل مايقدمه أبدعت وأمتعت شاعرنا رعاك الله دمت بخير وسلام ودام لنا حرفك الراقي صح لسانك ملايين ملايين ولك فائق تحياتي وتقديري |
||
![]() |
![]() |
رقم المشاركة : 7 | ||
|
عشرين عام انطر ولا شفت انا شي |
||
![]() |
![]() |
رقم المشاركة : 8 | |||
|
اقتباس:
الله الله صح لسااااااانك ملايين سلمت وسلم منطوقك الجزل ربي يعطيك العافية |
|||
![]() |
![]() |
رقم المشاركة : 9 | ||
|
صح لساااااااااااانك |
||
![]() |
![]() |
رقم المشاركة : 10 | ||
|
القاف لامن جاء من احمد يعدي = يصيب جوف اللي قراه إرتجاجي شاعر علم يطرب جماهيره اللي = دايم على شوفه تزيد ابتهاجي .......................... صح لساااااااااانك مليار يا بو فراس ولاهنت |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|