نتيجة مسابقة صورة وتعليق 2

[ابومياس]

بعد ان انتهت فترة التصويت على مسابقة صورة وتعليق اليكم نتائج التصويت من الهيئة الاستشارية كالتالي :

الشاعر / سناعيس حصل على 6 أصوات

الشاعر / منصور الوذين حصل على 5 اصوات



مشاركة سناعيس

ياذيب خاويتك وأعلنت حربي=غريتني ياذيب في نبرة عواك
كنا أنا وياك مشربك شربي=لكن حليف الأمس اليوم عاداك
وش لقفك ياذيب تلقف لدربي=ماتدري اني راصدك واتحراك
اقبل رصاصاتي بقلب غدربي=واقبل حزن قلبي بأسباب فرقاك

مشاركة منصور الوذين

الذيب ذيبٍ يوم كانو الذياب اذياب=وكان البشر تخشاه يضوي عليهم
والذيب في وقته نديمٍ ولاعاب=يضرب به الأمثال كنه حديهم
واليوم صار الذيب بالحيل منصاب =اما بضرب اسلاح والا بيديهم
اقفى مع وقته وكلاح الانياب=وحل الثعل في موقفه من سويهم

مبروك للجميع وبالله التوفيق

[عبدالله راشد الثويني]

يسعدني أن اكون أول المهنئين ، لشعراءنا المبدعين

وبكل أمانه يستحقون الفوز وبجداره

فألف الف الف مبروووك

وعسى الله ما يحرمنا من أبداعكم الدائم

وأكرر شكري لصاحب هذه الفكره المميزه

أدام الله عطائك للفطاحله

تحيتي

الله يعافيك ابو مياس

والف مبروك للاخوان فعلا كانت تعليقات رائعه

تحياتي لكم جميعا

[داعي الشوق]

يستاهلووووووون

ألف مبروك للشاعر سناعيس
وألف مبروك للشاعر منصور الوذين

وقواك الله يا بومياس

دمت بخير وعافية ،،،

ألف ألف مبروووك للشاعر سناعيس
وألف ألف مبرووك للشاعر منصور المري

يستحقووووون بكل جداره


لاهنت ياابو مياس


دمت بخير

[سناعيس]

الله يبارك بالجميع
الله يرفع من قدركم والا والله تعليقاتكم كانت أحسن وأدق
ولكن يقولون الدنيا حظوظ والتصويت لعب لعبته معي هههههههههههههههه
وتحيه خاصه لصاحب الفكره اخي الغالي أبو مياس
بس تراه كان واعدني ان الجائزه بتكون جيب لكزس
وشكله فوزني أنا ومنصور على شان نتهاوش عليها ويحرمنا كلنا منها ويا أخذها هو ههههههههههههه
لكن حلال عليه يستاهلها والا لا يامنصور <<<<<<<<<< يقول منصور الا

تحياتي

[منيع]

اااااااااااااااالف مبروك
للاخوان سناعيس ومنصور
واختيار في محله
تهانينا

[الطامي]

المشاركة الأصلية كتبت بواسطة سناعيس

الله يبارك بالجميع
الله يرفع من قدركم والا والله تعليقاتكم كانت أحسن وأدق
ولكن يقولون الدنيا حظوظ والتصويت لعب لعبته معي هههههههههههههههه
وتحيه خاصه لصاحب الفكره اخي الغالي أبو مياس
بس تراه كان واعدني ان الجائزه بتكون جيب لكزس
وشكله فوزني أنا ومنصور على شان نتهاوش عليها ويحرمنا كلنا منها ويا أخذها هو ههههههههههههه
لكن حلال عليه يستاهلها والا لا يامنصور <<<<<<<<<< يقول منصور الا

تحياتي

ابو مياس
الف شكر
الأعضاء الشكر موصول لكم
سناعيس
اذاهو جيب بكب لي
واذا هو لكسس لك
والا ايش رايك
هاهاهاهههههههههههههههههههه
لاهنتو جميعا
وشكرا لكم

[حي الضمير]

لف الف الف مبروووك ويستاهلون

وشكرا لك يابومياس

[البواسل]

وفقك الله
على ما خطت اناملك
تحياتي