هيضني البارق اللي لاح وقت الغروب(بالصوت)

[الطائر المهاجر]

القاء

هيضني البارق اللي لاح وقت الغروب = والغيمة اللي سواد الليل خيّالها
تمشي على مهلها ريمٍ تخاف الهبوب = تخشى يطير الشعر ما يمسكه شالها
حتى اعترضها سنا برقٍ غريرٍ لعوب = يلعب بسيفه يغازل همّه اشغالها
تركض ويركض وراها مثل ذيبٍ قنوب = ضاقت وصاحت برعدٍ تنخي خيالها
وقامت تعبّر وتصرخ اتعبتها الدروب = لولا البرَد ما تركها البرق في حالها
يا غيمة السعد هلّي واغسلي للذنوب = ياعلّ تصحى ضماير طـال مقيالها
خلّي خيالي يغوص ولا يهاب الغبوب= يرسم امل في شفاه الصمت لاجيالها
اسرج حصان القوافي وانطلق للخطوب = الحرف سيفي وفكري درع باهوالها
متعلقٍ في خيوطٍ من سراب كذوب = يوم امرست وصفقت بي تحت محّالها
ابحث عن الفجر الاعرج في صحارا القلوب= يالله دخيلك تلولس ما لقى ظلالها
قررت حبس الخيال وكل فكر مْحسوب = واطلقت خيل الشعر في الحب تجوالها
ياحب وينك ترى في الحب مااقدر اتوب= فالروح تشكي فراق الروح واهمالها
يا زين ذيك الليالي والخواطر تجوب = والحب يجمع شتات قلوب بوصالها
البدر يكسف إذا شافك يقول مْحجوب = وتسري نجوم السماء تبكي على اطلالها
وترقص خزامى الصحاري للغزال الطروب= ياليل ياليل طوّل ..غنّ موّالها
ويا فجر ليتك تأخر لين وقت الغروب= فالحب ناره كفايه تشعل ادلالها
فنجال واحد ينسّيني طريق الجنوب = فنجال ثاني يفك رموز ارسالها
فنجال ثالث اسافر مع خفايا الغيوب = وارجع إلى الفكرة اللي كنت رحّالها
الله على الحب لا منّه سكن في القلوب = يروي عروقٍ ظمايا يحي اوصالها

[مبروك بن ماضي]

الشاعرالعلم الدكتور/ عثمان العبدالله
صح لسانك مدد بلا عدد
نص غير مستغرب على مثلك استاذي
حوى كل معاني الجمال والأحاسيس الرائعه
أعدت قراءتها كثيراً 00فاحببتها
فنذرت على نفسي مصافحتها مرات ومرات
دمت رمزاً من رموز الإبداع
كل التحية والاحترام لشخصكم الكريم
أخوك / بن ماضي

[عذب القوافي]

صح لسانك أبوعبدالله

وافيه من وافي

تقديري الجم,,,,

[عبدالله راشد الثويني]

الله عليك يابو عبدالله


لا جديد

سوى إن الابداع يتجدد


أبدعت وكفىىىى

صح لسانك ، نطمــع با المزيـــــــــد

[صنداح الزلامى]

الشاعر لعلم الكبير في حرفه ومقامه



عثمان العبد عبدالله / الطائر المهاجر


صح لسانك مليون هذا ولو قللت في العدد

لك الشعر ولك حرفة المعنى والابداع استاذنتعلم

منك لا نعلق عليك باكثر من مقولة صح لسانك واعتلا

شانك .................... تحياتي لك

[الطامي]

الطائر
صح السانك وتعلا شانك
الله على الحب لا منّه سكن فـي القلـوب= يروي عـروقٍ ظمايـا يحـي اوصالهـا
وختامها مسك
داماً مبدع يالعود
لاهنت وشكرا لك

[وليدالبسطي]

اخوي الشاعر الدكتور


عثمان العبدالله




صح لسانك مليون




مبدع مبدع يادكتور




اخوك



وليدالبسطي

[مروان الشيخ]

الله الله يا بوعبدالله

وش هلرومنسيه والغزل

بصراحه من اجمل ما قرءة مؤخرا عن الحب والغزل

استهلال رائع بصور شعرية قمة في الابداع

هيضني البارق اللـي لاح وقـت الغـروب
والغيمـة اللـي سـواد الليـل خيّالـهـا
تمشي على مهلها ريـمٍ تخـاف الهبـوب
تخشى يطير الشعـر مـا يمسكـه شالهـا
حتى اعترضها سنا بـرقٍ غريـرٍ لعـوب
يلعـب بسيفـه يغـازل همّـه اشغالـهـا
تركض ويركض وراها مثل ذيـبٍ قنـوب
ضاقت وصاحـت برعـدٍ تنخـي خيالهـا
وقامت تعبّر وتصـرخ اتعبتهـا الـدروب
لولا البرَد ما تركهـا البـرق فـي حالهـا
يا غيمة السعد هلّـي واغسلـي للذنـوب
ياعـلّ تصحـى ضمايـر طـال مقيالهـا
خلّي خيالي يغـوص ولا يهـاب الغبـوب
يرسم امل فـي شفـاه الصمـت لاجيالهـا

مرورا بالاعتراف بالحب

ياحب وينك ترى في الحب مااقـدر اتـوب
فالروح تشكـي فـراق الـروح واهمالهـا
يا زين ذيـك الليالـي والخواطـر تجـوب
والحب يجمـع شتـات قلـوب بوصالهـا


وصولا الى الوصف الي بلغ ذروته عند


البدر يكسف إذا شافـك يقـول مْحجـوب
وتسري نجوم السماء تبكي على اطلالهـا
وترقص خزامى الصحاري للغزال الطروب
ياليـل ياليـل طـوّل ..غـنّـي موّالـهـا
ويا فجر ليتك تأخر ليـن وقـت الغـروب
فالحـب نـاره كفايـه تشعـل ادلالـهـا


وانتهائا بكيف الغرام الذي سكب في فناجين من الوصال!!

فنجال واحـد ينسّينـي طريـق الجنـوب
فنجـال ثانـي يفـك رمـوز ارسالـهـا
فنجال ثالث اسافـر مـع خفايـا الغيـوب
وارجع إلى الفكـرة اللـي كنـت رحّالهـا
الله على الحب لا منّه سكن فـي القلـوب
يـروي عـروقٍ ظمايـا يحـي اوصالهـا

[نجم الإبداع]

صح لسانك يابو عبدالله

معزوفه راقيه

ابدعت ياشاعر

لاهنت

فائق الاحترام

[علي محمد العتيبي]

الله على الحب لا منّه سكن فـي القلـوب
يـروي عـروقٍ ظمايـا يحـي اوصالهـا


ابو عبدالله

ياسلام عليك

كتبت فأبدعت


لله درك من رائع


صح لسانك مليوون


اعجابي واحترامي