معقول شاعر مايعرف اشعاره؟؟

[فواز الغسلان]

معـقول شـاعـر مايعـرف اشـعاره=ويخطي بشرح بيـوته الشعريه
مدري شرى القيفان من سـمـساره=او شـالـهـا بالـبــوق والعـاريه
شفـتـه على التلفاز عـقب اخـباره=منقول عـبر الـشـاشـة الفـضيه
واثريـه شـيـخ وعـالي(ن)مقـداره=جاء للمكان بدعوة(ن)رسـمـيه
ويـوم ابـتـدى كـن الـقـيـامـه ثاره=والا رمـيـــت بقـنـبـلـه ذريـه
من كثر مانسـمع ضجـيج انصاره=كـنـك بـوسـط الصـالة الدولـيه
ولــد وزيــر ومالك(ن) مـلـيــاره=وابوه خـمـس سـنـيـن بالمـاليه
وقـام يتـغـزل فـي جــدايـل سـاره=اللي رمت روحه على الردميه
وصارت حـيـاتـه بالـعرب منهاره=واصبح يعاني حالة(ن)نفـسـيه
وانه حـكـيـم الـشـعـر مـع بيـطاره=واصبح لشعره خلطة(ن)سريه
ونـشـدت لـي نـاس تـعرف اسراره=وشلون جـمـهـوره تعدى الميه
قـالـوا خـدم قـصــره وكل اصهاره=وبعض الجـنـود وقادة الدوريه
والـلــي يـشـجـع فــك لــه سـيـاره=وراحة شهر بالعـطـلة الصيفيه
قـلـت ابشـروا باللـي يشـيل الحاره=مثل الجنود بثـكـنـة(ن)حربيه
الـلـي يـطــق الـطـبــل مع مزماره=وان مالـقـيـت الطـبل بالطبليه
تشجـيـعــهــم يـشـبه هـديـر الغاره=والقصف عـبر الهجمة الجـويه
واسـعـارنا ياناس نصــف اسـعاره=تسديد قـسـط الـددسـن الـمـلويه

الغسلاان

صح صح صح الساانك

قصيده راائعه

وهذا اللي حاصل بالفعل

صورته باحتراف

سلمت

[سالم منصر الجعيدي]

صح منطوقك يالذيب
قصيدة تتكلم عن ظاهره أنتشرت في مجتمعنا الشعري وكنت قريب جدا في تصويرك للوضع الذي البعد عنه خير من قربه....
تحياتي
سالم الجعيدي

[زهرة اللوتس]

فواز الغسلان
سلمت وسلم منطوقك
جزلة من شاعر جزل
لاهنت وبيض الله وجهك
تحبة طيبة

زهرة

[منيع]

ابيات رائعة ومعبرة
بارك الله فيكم
تحياتي

[الأموره]

الغسلان

صح لسانك ملايين

سلمت و سلم فكرك

الف شكر لك

دمت برعاية الخالق

[عذب القوافي]

مبدع أخي / فواز

صح لسانك

مليون ولايوفون

تقديري ,,,,,,,

[حوريه]

صح لسانك واحساااسك

جزله من شاعر جزل

داام حرفك ونبضك

ولا هنت...........

[عبدالرحمن بن زهير]

الاخ فواز الغسلان استمتعت بكل بيت من هذه القصيده وهو فعلا يحكي حال البعض...دمت لنا بهذه الجزاله يالجزل وصح لسانك ملايين...

[عايض ابوشيبه]

الله الله

الله

صح لسااااااااانك

واشهد إنك صادق يافواز

ماقصرت

وتقبل تحياتي