صوتها مثل الرعايد حين تترك مدرجه

[فواز الغسلان]

راكب اللـي فـي مـطـاره تـنـتـظـر عـقـب الـغـيـاب=صوتـهـا مـثـل الـرعـايـد حـيـن تـتـرك مدرجـه
كـنـهـا الـطـيـر الـنـداوي لا شـلـع فـوق السـحـاب=والـكـبـاتـن بـالــكـبـيـنـه راسـمـيـن(ن)مـنهــجـه
لو بغيت اوصف جناحه مثل جـنـحـان الـعـقــاب=لا شلع من عـقب جوع(ن)هــد حيله وازعـجه
تـنـطـلق مثل الـجـراده لا بـغــت قاع(ن)خصاب=وغـادرت ضـيـان جـــده بـالـغــمـام ولــجــلــجـه
او تـقـل كـفـخـة قـطـاة(ن)ذاير(ن)جاها رعاب=عقب ماسمعت رصاص(ن)حول روضه هـجـجه
مـدة الـرحـلـه مـدون ضـابـطـيـنــه بالـحــســاب=وتـحـتـهـا نـور(ن)بـعـيـد(ن)فـي سـمـاها تـلـعـجـه
ماصنـعـهـا اللـي شبـابـه راح فـي ملـهـى الرحـاب=صنـعـة الـلــي راح عـمـره بالـدراسـه وانـتــجـه
ماتـخـاف الـجـوع فـيـها والـسـبب قـل الـزهـاب=وريـحـها روض الـبـخـتـري والنـفـل مع عـرفـجـه
وجـهــهـا فوق الـسـحـايـب كـنـهـا تـلـبـس نـقـاب=والـسـمـاء صارت دروبه فـي فـضـاه مبـرهـجـه
لو ركـبـها اللي تـضـايق من جــروح الـغـبـن طـاب=والـسـفـر يـامـا ويـامـا من غــنـي(ن)دجـجـه
تطـرب اللي ضاق صدره ناوي(ن)دار الـضباب=هـي عـلاج اللي زمـانـه هــد حـيـلـه واحـرجه
دام دون رموش عـيـن الزين طـعـنـات الـحـراب=راقـبـوا مدخـل عـشـيـري بالـعـيـون ومـخـرجه
وصرت اعـانـي في غياب الزين نـيـران العذاب=ولا حصل لي شوف خـلـي لـو بدرب الـعربـجه
انـتـظـر شوفة عشـيري واصبحت مثل الـسـراب=والنصيب الشين حـاس امـآل قـلـبي واسـمـجه
واعـذاب الروح دامه ماخـذت حـلـو الـشـبـاب=والــعـيـون اللـي رمـوشـه مـع حـلاهـا تـدعـجـه
والكـفـوف اللي زهـاهـا بالـحـلا نـقـش الخـضاب=هي سبب جرح(ن)بروحي كل يوم(ن)يسهجه
مع ليان الـخـد الابيض لا ظـهـر تـحـت الحـجـاب=الـحــلا كـلـه بــخـــد الــزيــن لـو مـا مكـيـجـه
مثل عين الـحـر الاشـقـر لا وقـع مثل الـشـهـاب=تشبه فصوص الجـواهـر والـقـروص الـمدمـجه
منزله فوق الـنـوايـف مايـجـي حـول الـهـضـاب=وان صـفـق صدر الحـباري راح يـلـعـن مـنـسـجه
والله ان الـقـلـب مـنـها في ظـلـوع الـصـدر ذاب=والـسهـر رافـق جـفــون(ن)لـيـلـهـا ما غـلـمـجـه
ليت قلبي عقب جرحه من هوى الخـفـرات تـاب=ويـمـسـح الـذكـرى ويـبـدى يستـعـيد الـبـرمـجه
وصعب نـصـبـر فـي غـثـانـا لا بـلـغ حــد الـنـصاب=والاوادم فـي هـواهـا تـخـــتـــلـف بـالامـزجـه
ومن قـفـل بابـه بوجـهـي يـنـفـتـح تـسـعـيـن بـاب=دام قـلـبـي مايـعـرف الـكـذب والا الـدبـلـجـه
وان هـجـرنـي نـور عـيـنـي ما لـقــى مـنـي عـتــاب=راح اغـــادر بـالـمـعـزه كـالــخــيـول الـمـسـرجه
ولا يـطـب الـيـاس قـلـبـي دام ماشـاب الـغـراب=ومن شكانـي بالـقـوافـي راح اطـالب وافـلـجـه
ان بغـى حـكـم الـشـريـعـه او يـريـد اهل الكتاب=فاهـم(ن)مـسـرى حـروفـي بالـبـيـان ومعـرجه
مـثـل من جـرب نـصـيـبـه من عــزيـزيـن الـجـنـاب=كلـهـا مع خـط بـيـشـه عـن دروبــي دفـلـجـه
والله ان وصال خـلـي هو شفـاء الـقـلـب الـمصاب=وان زعـل خـــلـه يـعـلـه لـيـن ربــي يـفـــرجـه

[عبدالرحمن بن زهير]

الشاعر فواز الغسلان تعجز الكلمات عن الإشاده بهذه الابيات وهذا ليس بمستغرب على امثالك فلله درك على هذه الرائعه وصح لسانك ملااااايين...تحياتي

[عيد بن سعدون]

الشاعر فواز الغسلان

استمتع بشعرك حد الثماله

هكذا الابداع ولا فلا


صح لسانك ولا هنت

سجل اعجابي وتقديري

اخوك
عيد بن سعدون

[الأموره]

الغسلآن ،،

صـح لسـآنك ملايين يخوي

سلمت و سلم فكرك

هطول رائع تبارك الرحمن

الف شكر لك

دمت برعآية الخآلق ،

[عيدالماجد]

فعلا تعجز الكلمات عن وصف هذه الشاعريه المميزه وهذا الحس المرهف وهذا البحر الذي اقف امامه مبتهجا من جماله وروعته دمت بحفظ الله

[داعي الشوق]

الله الله

صح لسانك يا بن غسلان

إبداع مستمر ومتوهج ما شالله عليك

تحيتي لك مع التقدير ،

،،،،،،،،،،،

[ام العمده]

الشاعر القدير/فواز

صح لسانك واعتلى شانك
لاهان راسك
رائعه من روائعك

دمت بخير

[سعود القحطاني]

او تقل كفخة قطاة(ن)ذاير(ن)جاهـا رعـاب
عقب ماسمعت رصاص(ن)حول روضه هججه
مدة الرحلـه مـدون ضابطينـه بالحسـاب
وتحتها نور(ن)بعيد(ن)فـي سماهـا تلعجـه


الأخ فواز الغسلان


وصف رائع وتصوير جميل

بيض الله وجهك وصح لسانك يالغالي,,,,

[صوت الإحساس]

صح لسانك مليون

أفرح بحضورك لأني على يقين بأني سأجد بينا ثنياااه الجمال


بيض الله وجهك


صااادق الود

[مبروك بن ماضي]

الأخ العزيز الشاعر / فواز الغسلان
بقدر روعتك يكون الشعر ..
لك ولقلمك كل التحية والتقدير
صح لسانك وجاد بيانك
ولا تحرمنا من ابداعاتك المتميزه
دمت بخير حال
أخوك / بن ماضي