عوده بعد الغياب قصيدة( ينتابني)

[عيدالماجد]

السلام عليكم ورحمة الله وبركاته
اعود اليكم اليوم بهذه القصيده متمنيا ان تعجبكم مع خالص تحياتي لمنتديات الفطاحله
ومشرفيها وشعراءها وزوارها لكم خالص الود مضاعفا اخوكم عيد الماجد

ينتابني اشعور اجافي قصيدي =
= واهجر قوافي الشعر من غير رجعه
وابدأ بعمري في زمان جديدي =
= واطرد دجى ليلي بمليون شمعه
ملت عيون نزفها كالوريدي =
= ماعاد تحلم منها تهل دمعه
ياغربتي اقسي عليه وزيدي=
= ماعاد اضعف مهما بالصدر وجعه
بالصدر مو قلب ذا قطعة حديدي =
= متجمع من كل سكراب قطعه
علمني الوقت استمر مااحيدي =
= عن درب اخترته رغم سوء وضعه
باسير دربي لو هو درب بعيدي=
= بااصراري وعزمي وهدوئي اقطعه
ماهزت الدنيا اشعره بظهر ايدي=
=دايم معاها محتمل كل لوعه
ماارتحت منها حتى في يوم عيدي=
= تسقيني من نكباتها كم جرعه
لكن على عهدي لها مع وعيدي=
= باقي لها موج قوي صعب ردعه
تتكسر بصدري سهام الحديدي=
= وابقى بشموخي وكل الاحقاد صرعى
ماهمت الخافق خيانة عضيدي=
= يوم نكر معروفي اللي اصنعه
يوم عطيته بيوم بلواه ايدي =
= رده لمعروفي اسف كان صفعه
الله اكبر مااصدق اكيدي=
= اني بحلم وكل مافات خدعه
وان الزمن وردي لطيف وسعيدي=
= ودايم وفي وهذا على الدوم طبعه
لكن نهاية غايتي في قصيدي=
= ان البشر مابين سبعه وتسعه
وان الاصل والدين يبقى وحيدي=
= ليش الغدر بين البشر صار صرعه
الكل لله وكلنا له عبيدي=
= نرجى رضاه بكل سجده وركعه

[حي الضمير]

صح لساااانك ياعيد شاعر جزل
والقصيده تحمل معاني عذبه
ولاهنت وتقبل التقدير والاحترام الدائم

[الخنساء]

صح لسانك اخي الشاعر عبدالماجد
قصيدة رائعة لاهان راسك
سلمت وسلم شعرك
دمت بخير

[ماجد الزيد]

صح لساااانك ياعيد شاعر جزل
والقصيده تحمل معاني عذبه
ولاهنت وتقبل التقدير والاحترام الدائم

[الطامي]

عيد الماجد
صح السانك وبنانك
وافيه بالحيل
لاهان فكرك وأحساسك
شكرا لك عيني

[عيدالماجد]

الاخوه الافاضل خالد الحمد ماجد حمد الزيد منصور المري والفاضله الخنساء شكرا لكم جميعا تقبلوا تحياتي

[نجم الإبداع]

صح لسانك ياعبد الماجد

قصيده راقيه

ابدعت


لاهنت

تقبل مروري

وودي

[الـزلـزال]

عيد الماجد

لـكـن نهـايـة غـايـتـي فـــي قـصـيـدي =ان الـبـشـر مـابـيـن سـبـعـه وتـسـعـه
وان الاصــل والـديـن يـبـقـى وحـيــدي =ليـش الغـدر بيـن البشـر صــار صـرعـه

قصيده تحمل بين طياتها الرقي والمتعه

صح لسانك ملايين ملايين


تقبل تحياتي

[ابومياس]

عيد الماجد

صح لسانك لاهنت

وبيض الله وجهك

دمت بخير

[عيدالماجد]

الاعزاء والاخوان الافاضل ابو مياس و سامي الحارثي وفلاح بن منشار شكرا على مروركم العطر وشكرا لردودكم الجميله التي تدل على طيب اخلاقكم تقبلوا جميعا ارق واعذب تحياتي