**** ونه قلب ****

[منصور العبدالله]

ورقه قديمه

تستبيح مشاعركم

تبحث عن مكان بقلوبكم

أنا كل ما بغيت أسلى وأدارى جد بي طاروق=يهيض جرحك الخافي يصحينى على أهواله
تحسب انى عديم إحساس ولا مثلي بشر مخلوق=ولا تدرى بعد عمري غريب و زاد بهبالـه
أنا باقي على عهدي ولاني با لوفا مسبوق =واشو فك منت مثل أول تصد وخاطرك داله
بعينك زانت الفرقا وعيني نونها محروق =بعد قلبك على خبري عسى ذا الوقت مازاله
الايا بلسم جروحى ألا يا غايتي والذوق=ياليتك قد سمعت القلب وهو يشكى لك احواله
عرفت انى على بعدك أعانى لهفتي والشوق =وعرفت انى بدونك مثل جسم فاقد اظلاله
يجى طاريك قدامي مثل مزنه ورعد وابروق =تهل الماء على قلبي وتروى ظامى عباله
ويمر الطيف بعيوني والمه بالهدب والموق=وأناجى زولك الوافد وأغنى له وأنا واله
واصيح بداخل اعماقى اجارى لوعتى برفوق=واردد صوتك بسمعي وأعيده حالتي حاله
ويعيش القلب بالذكرى ولو انه بقى مرهوق=دواه انك تجيه بيوم تمسح باقي اهواله
الا يامنوه الواله الا ياحــلوه المنطوق = تعالى له مثل ماكان يجيك بكل مـاهـاله

ودان نجد
6\8\2001

--------

[مبروك بن ماضي]

الفاضل / منصور العبدالله
:
:
نص رائع

وحضور جميل بالقديم والجديد
مبدع من مبطي

صح قلبك شاعرنا

:

دمت بخير

لك تقديريـ

[حوريه]

شاعرنا منصور

تضل مبدع..قي حزنك وفرحك

رااائع .........لا عدمتك

وهذا ليس بمستغرب على شااعر متمكن

يجيد ترويض الحروف بقلوبنا ..بكل أتقاااان


ابدعت وامتعت

صح كلك ................يالغلاا


ولا هنت

[حي الضمير]

مدد صح لساانك يامنصورابدعت يامميز
شاعر جميل وتعودنا منك الروائع من القصيد

[مشاري بن محمد]

ويعيش القلب بالذكرى ولو انه بقى مرهوق
دواه انك تجيه بيوم تمسح باقي اهواله


الله الله


صح لسانك وعلى شانك يا دكتور منصور

وليت كل شي يجي بالتمني يا دكتور

[سناعيس]

الفاضل منصور العبدالله
صح لسانك وبيض الله وجهك
على هذه الرائعة

لاهنت

تحياتي

[الخنساء]

ياليتك قد سمعت القلب وهو يشكى لك احواله
عرفت انى على بعدك أعانى لهفتي والشوق
وعرفت انى بدونك مثل جسم فاقد اظلاله
يجى طاريك قدامي مثل مزنه ورعد وابروق
تهل الماء على قلبي وتروى ظامى عباله
ويمر الطيف بعيوني والمه بالهدب والموق
وأناجى زولك الوافد وأغنى له وأنا واله
واصيح بداخل اعماقى اجارى لوعتى برفوق
واردد صوتك بسمعي وأعيده حالتي حاله

صح لسانك ولاهنت

ابيات وبوح جميل

سلمت ودمت بخير

[رفيعة الشان]

الله

ودان نجد

في ابياتك ما يميزها عن غيرها

واشوفك منت مثل اول تصد وخاطرك داااله


صح الله لسانك مليوون

لااهنت

[صوت الإحساس]

الله الله


سلسبيل يا مبدع


ما اعذب و وارق هذا الحضور


هكذا يكون هطول الجمال

بهذه الروعه وبهذا السحر

ليتكون ملامسته اللروح
ارق من لمسة الندي لوجنة الريحان


ما اروعك صح صح صح لسااانك مليووووون

صااادق الود

[محمد عبدالله البدراني]

العزيز الغالي منصور العبدالله سلمه الله


مليون صح السانك وعلا شانك


قلت واجزلت

لافض فاك


ولله درررررررررررررك

لله دررررك ياودان نجد


سلمت لنا ودمت


تحيتي