مع كبر سنّ الرجل يزداد همّه

[الطائر المهاجر]

مع كبر سنّ الرجل يزداد همّه = من وين ما وجه سرح بالف هوجاس
همه وهم عيال واحفاد وامّه = وتهاجمه امراض من كل الاجناس
جيله مضى واصبح وحيدٍ بغمه = فكلش تغير واصبح الوضع منحاس
جيلٍ طلع ماهو لخاله وعمه = ولا هو لشرق وغرب في قوة الباس
البعض ما عنده طموحٍ وهمه = والبعض مقلع لاشعورٍ ولا احساس
تلقاه مع شله من ادناة خمه = بين اللفافه والعرق يبرم الراس
ويمكن لحاله يلتح بكل سمه = ويمكن مع الأسره ولا شاف به باس
ويمكن بمركز لو دنى وش يهمه = عارف وش المطلوب للكتف بواس
ابشر بسعدك لو يجيب المطمه = دوره يوقع ماعرض له من اكداس
بالبشت يركض يحضر ايات لمه = اللي تجمّع ناس من عالي الساس
يضبط علاقاته بمن وصل قمه = ولو كان طبلٍ صار للزرع غراس
وبعضٍ متفتف غير من دون يمه = دينه تجاري للفرص دوم نهاس
يلقى هواميرٍ تحطه مخمه = ويصير له شانٍ بعد كان نسناس
ولا من تدوّر رجل دينٍ وذمه = وضمير حي ما مشى درب الانجاس
تلقاه مقهورٍ ومحروق دمه = مما يشوفه من زمن صار محتاس
لو يرفع لصوته فلااحدٍ بيمّه = فاللي ينادي به غدا ضمن الاجداس
فالفلس للرجال سيده وعمه = بغض النظر من وين وصله بلاكداس
حتى ولو باع العشيره وامه = فكلش حلال البيع مافيه اوجاس
ولا من تتبعت السبب في متمه = تلقاه عصر النفط وافكار هلاس
قال اشغلوهم به وماجاب جمه = واعطوهم قشور الحضاره مع الكاس
فهذي شعوبٍ ما عطيتوا ترمه = يتحللوا من دين للحرب مقباس
ومن بعد ما كانوا على خير امّه = تحكم جميع الكون والغرب بنعاس
تتحكموا فيهم بمدح ومذمه = ومن لايطاوعكم على الهام ينداس
حتى نجحوا فالرجل همه بفمه= وكبر الرصيد وما بقى فيه احساس

[داعي الشوق]

صح لسااااااااااااانك مليووون

و لاهنت يا دكتور

قصيدة ترجمة واقع يعاني من آفات و أعداء متربصين

لله درك يا بو عبدالله

و صح لسانك مدد

مع التحية لك

**************

[نجم الإبداع]

الله الله الله

صح قلبك وفكرك

رائعه بحق

لاهنت

تقبل موري

وتقديري

[زهرة اللوتس]

صح لسانك وفكرك
لاهنت
يعطيك العافيه
تحية طيبه

[حرف وشعر]

نص جزل يابوعبدالله وليس بالغريب


علي مبدع مثلك


دمت بخير

[منيع]

احسنت واجدت وابدعت
تسلم يادكتور
رعاك الله بلطفة
تحياتي

[عبير الورد]

الله الله



صح لسااااااانك ملايين


سلمت وسلم منطوقك الجزل



الله يعطيك العافية

[عمر ال شيبي]

حكيم ما يختلق عليه اثنين
شكرا لك شاعرنا د. عثمان التميمي
وبارك الله بك
وصح لسانك على جود نابك

[أم ريما]

مـــع كـبــر ســـنّ الـرجــل يــــزداد هــمّــه

من وين ما وجه سرح بالف هوجـاس

هــمـــه وهـــــم عــيـــال واحــفـــاد وامّــــــه

وتهاجمـه امــراض مــن كــل الاجـنـاس

جـيـلـه مـضــى واصـبــح وحـيــدٍ بـغـمــه

فكلـش تغيـر واصبـح الوضـع منحـاس

صح لسانك

قصيده معبره ورائعه

يعطيك الف عافيه على هالابداع

وتقبل تحياتي واحترامي

[الميمان]

صح لسانك وقلبك
ولا هان راسك
تقبل مروري واحترامي