حبٍ جديد وسناوي ؟؟؟؟؟؟ مع الوذين المري

[الطامي]

ياصاحبي ليتك على قلبي اتويـق=وتشوف حبٍ لك جديد وسنـاوي
حبك تمكن بالحشى كنه اطويـق=مازعزعوه احل الوشي بالحكاوي
حبٍ ماهو حبك اكذابٍ وتلافيـق=مره معي وامرار لشوفك رجاوي
يفِـر قلبـي واتحـداه المعاليـق=فر القطا لاشـاف زول النـداوي
اسهر توالي الليل واغيب وافيـق=واعوي عواى ذيبٍ حداه الشواوي
ودي بشوفك دون من وتبريق=والدرب سمح بغايتي والمناوي
اعرف خفاياخاطرك وانت شفَيق=مثلي اذا انا ماخلفتني الهقاوي
ذي قصة تكتب بحبر وتوثيق=انا اشهد انا من كبار البلاوي
صارت مثل مزح البزور المطافيق=وكبرت وكبَرها كثير الدعاوي
يفرح ويسعى بالوشي التفاريق=ويوقد بنارٍ شافها كل ضاوي
رجواك ياربي تجيله على الريق=والا بليل كنَها النجم هاوي
ويذوق من حزن القرايب تذوَيق=ويعرف عقوبة مافعل والخطاوي

[مبروك بن ماضي]

الاخ الفاضل الشاعر / الطامي
لله درك من شاعر متمكن
لطالما أستمتعنا بجمال حرفك وروعة أسلوبك
دامت شاعريتك بهذا الابداع وهذة الجزاله
سجل اعجابي وتفضل بقبول تحياتي
أخوك / بن مـــــــــاضي

[داعي الشوق]

صح لسانك يالشاعر منصور

قصيدة جميلة

كما إعتدنا منك ذلك

معاني جميلة

لك إختياراتك المميزة في القوافي يا لطامي

صح لسانك

مع التقدير لك

،،،،،،،،،،،،،،،،،،

[الطامي]

مبروك بن ماضي
صح بدنك اخي
وشكرا لمرورك وتعليقك الأجمل
لاهنت

[الطامي]

داعي الشوق
صح بدنك اخي
وشكرا لمرورك وتعليقك الأجمل
لاهنت

[صعبة المنال]

دوم متجدد يا الطامى

حرف
وفكر
وحضور

صح لساااااااااااانك

صعوووب

[حوريه]

ودي بشوفك دون مـن وتبريـق=والدرب سمح بغايتي والمنـاوي
اعرف خفاياخاطرك وانت شفَيـق=مثلي اذا انا ماخلفتني الهقـاوي
ذي قصة تكتب بحبـر وتوثيـق=انا اشهد انا من كبـار البـلاوي

صح قلبك يالطامي


راااائعه بروعتك


لاهنتـــ ولاهان مغليك



.

[الطامي]

صعبه
صح بدنك اختي
وشكرا لمرورك وتعليقك الأجمل
لاهنت

[الطامي]

حوريه
صح بدنك اختي
وشكرا لمرورك وتعليقك الأجمل
لاهنتي

[احمد الكثيري]

صح لسانك على هذه الرائعه والجميله
دمت بخير لك تقديري