فناجيل الدهر

[ناصر عبيد الهواوي]

بغيت اشرب فناجيل الدهر لكن شرب كاسي=ورجٌع لي جميع آمالي اللي فيك منكوسة
عقب ماهو شرابي عذب عود مر.وإنحاس ِ=وخلا كل ما شيدت هدم وحاسني حوسة
وانا لولا غروري فيك كان امصدق إحساسي=لماذا.لا.وما سويت بي نكبات محسوسة
سريت البارحة والقصد ازورك يابعد ناسي=لو إني جزت منها .طرقةٍبالحيل منحوسة
حدوني عنك من عينتهم بالباب حراسي=وانا لولاك ما حسٌبت للبومة وكرفوسه
انا ما ردني لااركي عليهم حامي الباسي=يكود الناس تدري والبشر بالشر مهووسة
واعرف إن النتيجة بالنهاية ترجع إفلاسي=وتشوش إبها رخال ٍكل يوم بدعب مفروسة
زهمت وشفت رقمك سهو ما ادري فيك نوماسي=وخفت ارد تطلع خدعة ٍمن ذاك مدسوسة
الى قبل الحدث والهجر ما يطري على راسي=يجيني منك.واثر المسألة من قبل مدروسة
وقبل هذا مقامك فوق عندي ثابت الساسي=شجيرات الغلا لك في رياض القلب مغروسة
لك الشامخ بقلبي مسسه طوبه من الماسي=واعرف اللي دخل بيني وبينك كنه السوسة
لو الواقع مثل خبرك من اول كان لاباسي=لكن الشاوي اللي حول بيتك كبرت اتيوسه
دخيلك لا تنفذ مانويته وقعها قاسي=وشراسيف الحشا يا سيدي بالوجد محموسة
بعد عزيت قلبي من وصالك وإحتكم ياسي= لو إني بس ختمٌت العلاقة معك في(.)
تطفي لاهب ٍبالكبد من همي وهوجاسي=وتبرد مهجةٍفي هاون الهجران مهروسة.

[صعبة المنال]

شاعرنا ناااصر

وانا لولا غروري فيك كان امصدق إحساسـي
لماذا.لا.وما سويـت بـي نكبـات محسوسـة

يسعدنى ان اكون اول من صافح هذى الراقية

دووم مميز....

صح فكرك وحرفك .... ولسااااااانك


صعووووب

[مبارك أبوظهير]

عزيت قلبي من وصالـك وإحتكـم ياسـي
لو إني بـس ختمٌـت العلاقـة معـك فـي(.)


ناصر الهواوي



صح قلبك وفكرك .. والحمد لله إنك ماختمت اللقاء باللي ودك



أنت هواوي على إسمك .. ويمكنك تولع اكثر



قصيده جدا جميله .. قواك الله عليها



إعجابي .. غلااااااااااااااااي



م ن

[الطائر المهاجر]

بعد عزيت قلبي من وصالـك وإحتكـم ياسـي
لو إني بـس ختمٌـت العلاقـة معـك فـي(.....)
وبعد وش يصير لو ختمتها بها ....
اثاري قليبك لايزال يفرفر
ونا بايع عفشي من سنين
صح لسانك واعتلى شأنك
نص رائع من شاعر رائع
لاهنت يالغالي
تقديري واحترامي

[سعيد مقبل الأكلبي]

صدق ابوظهير
وعلى قول حضر جدة
(لو ذقت علقت) هههههه
المهم انك شاعر جميل وموضوعك رائع
وتسلسله يبين انه فعلا موقف وحصل
سلمت ودمت على العز والطاعة
فعلا بعض الحاجات يتحسف الواحد انه ماختمها بشي يبرد الكبد
تحياتي لك ياناصر

[مبروك بن ماضي]

اخوي المبدع :
الشاعر / ناصر عبيد الهواوي
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[الطامي]

ناصر الهواوي
صح السانك ملايين
جزل وعودنا على الجزل دائما لافض فوك
شكرا لك

[ناصر عبيد الهواوي]

اختنا صعووب
ماتهونين يابنت الرجال
اهلا بهذا المرور الذي يتمم جمال القصيدة
وتقبلي تحياتي ودمتي بحفظ الله

[ناصر عبيد الهواوي]

شاعرنا الغالي مبار ابوظهير
م اخلا ولا اعدم هالحضور
لاهنت وبيض الله وجهك
تحياتي وتقديري

[نفحات حساسة]

الله عليك..
صح السانك..ولاهنت
يعطيك العافيه..قصيده شامخه كشموخك
لك تحياتى وتقديرى...