لا ياقليل العرف لاتقرب النار***وانته جنوبك يالضعيف صخيفه

	الاعزاء مساء الخير جميعآ... قصيده كان لها مناسبه.. : لا ياقليل العرف لاتقرب النار=وانته جنوبك يالضعيف صخيفه لوكان عندك سيفآ ابلج وبتار=ماظن تسطي فيه يمنن ضعيفه ياذا الكديش اللي له اخبار واذكار=في سكة اصحاب العقول الخفيفه مانت المعزب يوم حليت بالدار=حتى نقول فلان قصر بضيفه عليك قد حطوا هل العرف رادار=لاتحسب ان العين عنكم كفيفه مالك ببنك الطيب درهم ودينار=ولو تحتزم بسلاح مامنك خيفه ياللي عن اعدود الروى حبالك قصار=حشرت نفسك بالثياب القضيفه البوم مايذكر قنص فيه صقار=ولو صف ريشه ماينومس رفيفه له حومتن تقصر عن صقور سنجار=اللي مواكرها بروس المنيفه للخيل خيالآ صميدع ومغوار=إتنومس فعوله ليا سل سيفه وإن اعتلاها واحدآ هافي اشبار=ماذاق من مركاضها الا الكليفه لا كاسبن كسبن ولا ضادآ اخطار=مايحتزمبه للأمور العنيفه تعرف هل الوقفات لاصار ماصار=ولا الرخا كلآ فراشه قطيفه واللي غزا في بندقن مالها عيار=النصر ماهو بالنهايه حليفه ليا ارتكاله بالبلاجيك بيطار=خلا دموعه من ندبها ذريفه وعن الصحيح ان كان طاشن الانظار=ماينفع القراي ما بالصحيفه الطايره مايقودها غير طيار=ليا اقلعت مايطشها بالحتيفه خبير بااجهزة التحكم لياطار=وكلآ حسب عرفه يحط بوظيفه يارجم ياللي لك معزه ومقدار=بقلوب راعين الطبوع الشريفه عسى المزون اللي بها البرق سمار=اللي رعدها غادينله وحيفه تنثر على ترابك غزيرات الامطار=وتقش عشبن يابسن تقل ليفه عشبن مهشم كاسي اوراقه غبار=محدن رعاه وكل نفسن تعيفه وعقب المحل تنبت بختري ونوار=واللي رحل يعلن لدارك نكيفه دنيآ بها شفنا غريبين الاطوار=قامت تداحم بالمتون النحيفه ولا انت ياكحيلان يامكرم الجار=ياوافي الاشبار ياريف ضيفه يكرم جنابك يالوفي يابن الاحرار=عن واحدآ حطوه عقبك خليفه اللي ركب ريمه علي أمس واغار=عندي له سيوفآ حدادن رهيفه لاشك من ربعن حشيمين واخيار=ليته يفارقني ويذلف بكيفه ماودي المدفع ينوشه ليا ثار=ولا ودي تطبح عليه القذيفه لكن حداني ثم غنيت الاشعار=من عقب فنجال الدلال النظيفه وتحياتي للجميع

[سـعـد الحويماني]

حجز المقعد الاول

[سـعـد الحويماني]

قدح زناد





هذا مثل صورايخ حزب الله





الغالي البدراني


صح لسانك


وبيض الله وجهك


لاهنت

الشاعر الراقي : محمد البدراني

جزل يالذيب

فيما تكتب دائماً


فصح لسانكـــ حتى ترضى


أخوكـــــــــــــــــــ

[نجم الإبداع]

محمد البدراني


صح لسانك وسلم احساسك

نص ثائر يكاد ينطق من الجزاله



لاهنت يالذيب



تحياتي ومودتي

محمد البدراني


صح لسانك

جزل

ماتجيب الا جزل


لاهنت

تحيتي

وتقديري

[أم ريما]

صح لساااانك


الله يعطيك العافيه على القصيده الرائعه

تحياااتي لك

الغالي
محمد البدراني
دائما ما تشدني إليك بمجرد مشاهدة معرفك
تلقائيا أجد نفسي أبحر في وسط كلماتك
ليه ؟؟؟؟؟؟
لأنك بالعربي راقي جدا
ولتسمح لي بتسميتك الشاعر الراقي
سجلني أحد جمهورك
أخوك
محمد السفري

المشاركة الأصلية كتبت بواسطة سـعـد الحويماني

قدح زناد





هذا مثل صورايخ حزب الله





الغالي البدراني


صح لسانك


وبيض الله وجهك


لاهنت

اخوي سعد مرحبا مليون وحياك الله يارفيع المقام.
..
صح بدنك وعسى يعجل بتدمير اليهود.


تسلم طال عمرك ويشرفني مرور سعد الحويماني هنا.
.
.
.
.
.

[الخنساء]

تعرف هل الوقفات لاصار ماصـار
ولا الرخـا كـلآ فراشـه قطيفـه
واللي غزا في بندقن مالهـا عيـار
النصـر ماهـو بالنهايـه حليفـه
ليـا ارتكالـه بالبلاجيـك بيـطـار
خلا دموعـه مـن ندبهـا ذريفـه
صح لسانك واعتلا شانك اخي محمد
رااائعه وجزلة
سلمت وسلم شعرك
تحياتي