نايض ا لبرق ...

[محمد بن عمار]

السلام عليكم ...
مشاركة متواضعة لتأجج نار الوجد
عسى أن يكتب لها القبول مع شموخكم ..
.
نايض ا لبرق

ياهلا بالذي نوّه يطرّز سمايا = ظللتنا غيومه والمطر به نضيح
مرحبا عـد نوض من جميع النحايا = يم خلي بوادر لمع سيفه يليح
نايض البرق أخيله فوق سبت العلايا = والمراويح تسبح في الشمال الفسيح
يوم ناديت قافي جت خيولة عرايا = أقبلت تصطفق صوبي وتجمح جميح
مذعنات ٍ لمدحه صايرات ٍ سبايا = تضوي بطوعي وتسرح بأمري سريح
صاحبي جامع ٍ الزين و كل المزايا = كاملات ٍ وصوفه ما يبي له مديح
صبت الشمس نور ٍ في الثغر والثنايا = والشعاع اشتعل من فوق خده , وضيح
وحمرة الورد في الوجنة بلون الشفايا = والشعر من على الامثان يسبح سبيح
كلما اشرّ بعينه ... مرخي ٍالغطايا = جض قلبي ولولا العيب والله لا اصيح
تهت عقبه و حيلي ما بقابه بقايا = كلما قمت رجلي تنثني بي واطيح
صار حبه بدمي مختلط بالخلايا = حرّم الدم ربي , كيف ؟ له يستبيح
انتخيت وفزع لي من حشام الطنايا = قالوا ابشر بعزك , لوهي روس ٍ تطيح
قلت والله مالي ثار ولا قضايا = كل ما بي غزال ٍ من صوابه , طريح
لي شهور ٍ وانا انشد عنه بين القرايا = لا لقيته ولا احد جاب علم ٍ صريح

محمد بن عما ر

[ابومياس]

لله درك يامحمد

نايض البرق أخيله فوق سبت العلايـا
0000000000000والمراويح تسبح في الشمال الفسيـح

نص يجبر المتلقي يصفق باعجاب له

نص اصيل

صح لسانك وبيض الله وجهك

دمت بخير

[سناعيس]

صح لسانك يابن عمار
دائما تمطرنا بجزيل القصيد
الله لايهينك ويبيض وجهك

تحياتي

[الطامي]

بن عمار
صح الله السانك وسلم بنانك
طيبة من طيب متمكن
شكرا لك ولاهنت يامبدع

[سعيد الصاعدي]

صار حبه بدمي مختلط بالخلايا //حرّم الدم ربي , كيف ؟ له يستبيح



الاخ الفضل / محمد بن عمار
صح لسانك وعلى شانك
ماهي غريبه عليك يالذيب
نص شعري شامخ تسلم يمينك
تقبل تحياتي

[حي الضمير]

بحر من الجزاله والابداااااع ومدرسه في فن الشعر
شاعرنا الكبير بن عمار
الف صح لساااااانك وتقبل مروري المتواضع
وسجل الاعجاب والتقدير الدائم

[علي محمد العتيبي]

لي شهور ٍ وانا انشد عنه بين القرايا
لا لقيته ولا احد جاب علـم ٍ صريـح



محمد بن عمار
ياسلام عليك
ابداع وامتاع
لله درك من رائع

صح لسانك مليوون


اعجابي واحترامي

[مبروك بن ماضي]

اخوي المبدع :
الشاعر /محمد بن عمار
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[منيع]

متميز
ورائع
تحياتي لك

[الخنساء]

صح لسانك اخي الشاعر محمدبن عمار

لاهان راسك قصيدة راائعة

سلمت وسلم شعرك

دمت بخير