محاورة(2) ليلة الجمعه 20 ربيع 1

[الطائر المهاجر]

الطاير=
كفشت واحد على الحبلين يتمرجح= باسمين يدخل ويمدح واحدٍ ثاني
منصور=
الله الله الله كود يمزح = اتق الله يادكتور من هو هذا المودماني
سعود الحافي=
ما هوب واحد كذا يتغير ويردح = يا كثرهم بالمدح في كل الاحياني
الطاير=
يلعب على القاف ماهو سهل ماينضح=ولاهوب محتاج دام القاف له عاني
اقشط هالاثنين وإلا اقول له استح= مكشوف امرك ولا تحتاج تبياني
سعود=
اللعب مسموح لو ماهوب يتبطح = مير البلاء يشغلك ويقول غلطاي
الطاير=
رادارانا مثل عوده دائما يفضح= ولاهوب يخطي مثل كوري وياباني
منصور=
يابو عبدالله حياة الناس تتدمدح= اما اقشطه والا عليه الستر من كاني
الطاير=
يقبل ويقفي ويمكن لو ترك يطفح= يخرب علينا وقد ابديت عنواني
المشكله من درى داراه لو يشطح= ترى الحميا تخرب كل بنياني
سعود=
منصور لا تآمن اللي قام لك يقدح = أكيد اله حاجةِ خابرك حناني
الخزيم=
سلام والشعار بالليل نمزح=موجة بيوت يتبع الأول الثاني
منصور=
والله ياسعود مانا امخش ولانا اجرح = وعقلي براسى وفيه اربع بعيناني
سعود=
اشوف بعض العرب باشعارها تشطح =مثل الذي غادي في وسط خلياني
الطاير=
ارجوه لامن قرا الابيات له ينصح= ماهيب تمشي على رادار عثماني
منصور=
قلنا مسامح علامك قمت تتبدح = خلها ستاير وقلنا العلم ماكاني
الطاير=
مافيه عندي تسامح لا ولا اسمح= وضحت الاسمين كانك تعرف الجاني
منصور=
يامن يعين ذهيب بالخلا يسرح = في جانبه زول بس الزول قوماني
لاتفضح السد ابو عثمان بس امسح = توبه تراها مريره وانت حمساني
ياهيه ياناس ماتقولون لايطرخ = انتو تشوفون هذا فيه جنَاني
الطاير=
ماهوب منكم فلا تجمع ولا تطرح= واللي كتبته ابي يقراه زيداني
منصور=
ياسعود يالغامدي يابن خزيم ياصندح = ماهو بمنا خلاص الحين طرباني
سعود=
لو كان تبغي شهود الشاهد المنصح = يا عود انا شاهدن منصور علماني
منصور=
جتنا سلامات وانا الحين ابي اردح = وكل الدواير على الحافي ويبلاني
علي الغامدي=
مفروض لا زل جاهل عقل ما نفرح=وانقول يارب سترك طول الازماني
منصور=
عدل كلامك يابو مساعد وانا اشرح = للي من الناس ماتدري ولا تباني

[داعي الشوق]

تسلم والله يالطائر المهاجر

على النقل المباشر والاخراج الجميل

وصح لسان من شارك

تحياتي للجميع ،،،

الله الله

صح لسانكم جميع





ولو انها مناقشه اداريه بحته ما لنا دخل فيها


ارى نقلها لمجلس الأداره علشان الغسيل ينشف

هناك بسرعه ،،،

واقترح عمل ترقية سريعة للردار العثماني لمواكبة

تطور الأنترنت .....


لاهنتوا

[الطامي]

الطائر
شكرا لك على النقل
ولاهنت عيني
وصح السنتنا جميعا

[نجم الإبداع]

صحت الالسن والقلوب

شكرا للنقل

لاهنتم

فائق الاحترام

[بليهان]

كتبت فأمتعت
شكراً لك
تحياتي