(( استراحــــة الشعــــــــار ))

[عبدالعزيز العمار]

أضحك وانا في خاطري حزن وحطام=وامشي طريق ٍ فيه من قلبي دروب
درب ٍ خذاني في متاهات الأحلام=ودرب ٍ غدابي في دجى الليل منكوب
ودرب ٍ مضى بالعمر عام ٍ بعد عام=واصبحت أنا ويّاه صاحب ومصحوب

عبدالعزيز بن سعد بن عمار

بدا لي وذكرت الله الي غشا=ليلٍ بصبـح ونهـاربظلام
ترعرع غلاها بقلبي ونشا=واشتد عود الغلا والهيام
عذوبٍ طروبٍ لعوب الرشا =بروضً خلا ماوطته الانام

ماجد العديلي

[محمد المغيلث]

مادمت انا وياك وشلي بغيرك=تكفيني اعيونك ومزة شفاياك
بس الرجاء لاتبتعد عن عشيرك=خلك ابجنبه مايتهنى ابلياك

كان غيري جاك وعيونه مطيه=جيت من راسي لساسي لك مطايا
للعيون دموع بالفرقا سخيه=والله لابكي لين مايبقى بقايا

ماجد العديلي

[عبدالله راشد الثويني]

لي معك يا قاف موُعد .. وإنت عارف=أهملك .. وأوقات قلبي يفقدك
وإن لمحت الدمع من عيناي ذارف=أعلم إنٌه .. حان فيني موُعدك

السمح

[الطامي]

الله من هم بقلبي اشلَه = يمكن لو انه فوق قمة جبل ساح
وايضاًهواجيسٍ بقلبي تمله =مل الطروش لشيهم وقت مرواح
والجسم ناحل عاف قوته وبلَه = والفكر بهمومه ولاهو بمنساح

حنا هل المعروف وانتم هل الطيب=ولاشك هذا الي يزيد الوئامي
جينا ضيوف ويوم رحنا معازيب=وانا المعزب يوم طار اللثامي
مدام انا الي ماتركت المواجيب=رفعت راسي لوتكسر عظامي

ماجد العديلي

[محمد عبدالله البدراني]

اخي محمد المغيلث كل الشكر على الموضوع الطيب ويسرني المشاركه وان اتت متأخره


ابداء من حرف الياء كما انتهى به اخي ماجد العديلي:

ياللي تغيب وكل ماغبت ابرجيك = ماللوجود بلا وجودك معاني
رف بي ورف بالحال ربي يخليك = مجروح روح وكل حيٍ نساني
ومشاعري ماهي رخيصه وتغريك = تزيد هجراني وانا اصبر واعاني

حرف الياء ايضاً

[محمد المغيلث]

حيااااااااااااك ربي يالقرم

والأستراحة انورت بأطلالتك البهيه

ولك حرفك يالقرم

اليا

-----------

يامرحبا بالي لافانا عاني=حي الله الزاير وحي اقباله
اهلا هلا بمحمد البدراني=والاستراحه نورت باطلاله
ويامرحبا ترحيبة له ثاني=اقدع وخذ من دلتي فنجاله

-----------

حيــــــــاك

هذا هو الجرح وهذي زمرة الآمي= هذا هـــو الــقلب وهذا ماتمنيته
هذا هو الصبر يوم تمزع لثامي=نقـــّط حروفي بدمعي لا تهجيته
يشهد علي الله ماجيت لك ضامي=جيت انعطش غلاك وغيري اسقيته
دون الجروح تموت بعض الاسامي= قـــريت اسمك... ومن قلبي تهجيته

ماجد العديلي