يا هل الخير ودوا نور عيني خبر ،،

[الحياوي]

شكراً لك
لقد امتعتنا بهذه الفارهه
تحياتي الطيبه

[الأديب]

الله .... الله
قصيدة باذخه من شاعر رائع
لاهنت
ودي واجمل تحياتي

[حوريه]

عوده لتميز صح لسانك

[نفحة الطيب]

المشاركة الأصلية كتبت بواسطة داعي الشوق

يا هل الخير ودوا نور عيني خبر = بلغوه التحيه و السلام الجزيل
و قولو اني ببعده عايشٍ في خطر = بين نار الفراق و بين هم ثقيل
غاب عني حبيبي عقب ذاك السفر = آه مقسى حياتي من غياب الخليل
وآه يا حظي اللي من رداه انعثر = كل ما جيت احثه يستكين و يميل
اتصبر و كن اليوم عندي شهر = ذقت مر العنا واقول صبرٍ جميل
في بساتين قلبي ذَبْل كل الزهر = و احتمت شمس شوقي بالمكان الضليل
كن صدري يدقه مثل دق الحجر = لا طرت لي سواليفه بوقت المقيل
كم ليله عشانه دمع عيني انتثر = شاغلن قلبي اللي فيه جرحٍ عليل
اتشكى و عيني يشتكيها السهر = ياعيون الشقاوي ليه ليلك طويل
ليت يسمع رجايه لو يعيد النظر = و يتلطف على اللي من فراقه قتيل
ما بقى في حياتي غير ادهى و امر = يالله اني دخيلك من رداة الحصيل

صح لسانك ورفع الله شانك

[داعي الشوق]

المشاركة الأصلية كتبت بواسطة حرف وشعر

عزف متفرد ياسعود صح كلك

صح بدنك أخي العزيز

ولاهنت

[الطامي]

داعي
صح السانك
رائعة جدا
لاهنت اخي

[فايز بن جبيل]

صبرا جميل ياسعود والله المستعان

عذب وجزل

صح اللسانك واعتلى شانك

تقبل ودي وتقديري

[عمر ال شيبي]

غــاب عـنـي حبـيـبـي عـقــب ذاك الـسـفـر

آه مقـسـى حـيـاتـي مـــن غـيــاب الخـلـيـل

الله يا سعود حنيت يا حن قلبي حنيت

لا هنت وصح كلك

[حنان الكون]

صح قلبك وفكرك
جزل ومبدع
تحياتي