كثير الهم مع زود البلاوي

[الطامي]

الطائر
صح السانك
رائعة جدا
لاهنت اخي

[حنان الكون]

سلم لنا بوحك ودام نبضكـ الرائع


و سلمت يمينك ... و صح لسانك

[عطر الياسمين]

أبـــدعت وامتعت يالطائر

صح لسانك ولا هنت


تقبـّـل تحيتي

[سعيد عوده الحويطي]

لله درك يادكتور على هذه الدره الثمينه. فعلا انت دكتور حكمة وشعر فقد عالجت كثير من امراض النفوس التي يعاني منها كثير من الناس وهذا ماجعلني استمتع بقراءت شعرك دائما لك تحياتي

[نفحة الطيب]

المشاركة الأصلية كتبت بواسطة الطائر المهاجر

كثير الهم مع زود البلاوي = على المؤمن ترى فيها امتحانه
من اللي عالم حال الشقاوي= يبي ينظر لصبره واتزانه
بعضنا ليّنٍ كالغصن ذاوي= على ادنى عاصفه تكثر حزانه
سجين النفس للاحزان غاوي = ويمرض كل من فكر بشانه
عنيد الراي مايبغى مداوي = يشوفه بالحزن يكسب مكانه
يطيع ابليس في كل الخطاوي = يجره دون يدري للمهانه
مثل هذا فلا له يوم تاوي = وخله دام راضي بانسجانه
حياته مثلما الموت متساوي= مادام انه رضى حيٍ دفانه
وبعضٍ كالجمل للحمل قاوي = على الويلات معتادٍ حصانه
ولو هبت عواصيفٍ قساوي = فلا هي من يؤثر في كيانه
رضا باللي انكتب مابه جداوي = يبي ياقع ولا يدري اوانه
واذا منه وقع حرٍ نداوي = يضمد جرحه النازف سنانه
واذا من جارت ارضه بالبلاوي= يفل الجنح مايدرى مكانه
ولا يكثر لغير الله شكاوي = فشكوى للخلايق فيه اهانه

روعه وجميل ماكتبت
ابداع واصل السماء
صح لسانك واعتلى شانك
وحفظك الرحمن من كل سووووء