مملكة سناعيس الخاصه

[خيالة الشعر]

المشاركة الأصلية كتبت بواسطة النيزك

مجرد وصيه

يامشغل البال باقفايك وبقبالك=ليتك تجمل وتمسح دمعة الفرقا
وباوصيك تكفى الى منه تهيالك=ترسم لي الطيف لاحول قبل يرقا
وتشوف قلبن سكنت وفيه مدهالك=كيف الشرايين تنتظرك وهي زرقا

.

اسمح لي شاعرنا

الذنب ذنبك تكتب ابيات تجبرني على الرد

الدمع لاا من جرى وسمه تبدّى لك = يبين بالخد ووسومه كما الحرقا
ان طاب جرح ن بيبقى له أثر هالك = والعين تبقى ولو طال الزمن غرقا
والحال ماهو بحال الّي على بالك = تعبان حاله ونومه يسرقه سرقا

الود ودي اكمل كم بيت بس خايفة اخرب فكرتك

[سناعيس]

المشاركة الأصلية كتبت بواسطة خيّالة الشعر

اسمح لي شاعرنا

الذنب ذنبك تكتب ابيات تجبرني على الرد

الدمع لاا من جرى وسمه تبدّى لك = يبين بالخد ووسومه كما الحرقا
ان طاب جرح ن بيبقى له أثر هالك = والعين تبقى ولو طال الزمن غرقا
والحال ماهو بحال الّي على بالك = تعبان حاله ونومه يسرقه سرقا

الود ودي اكمل كم بيت بس خايفة اخرب فكرتك

الله الله ياخيالة الشعر
صح لسانك ولله درك
بصراحه
اول مره احس اني ودي أبوس راس ذنوبي ذنب ذنب وأشكرهم هههههههههه
اما لكونهم سببا في زيارتك لصفحاتي المتواضعه
أوعلى الاقل لأنهم ربما حركوا ساكنا ؟
دمتي بخير

تحياتي

[خيالة الشعر]

ههههههه

يسعد مساك

صح بدنك اخوي

انت من اعطاني تلك المساحة

واتمنى ان اكون دائما بقدر ذلك الاهتمام

وان اتعلّم منك الكثير

اشكرك

لاعدمتك

[سناعيس]

اسعد الله مساك اختي خيالة الشعر
ماشاءالله عليك انتي شاعره فرضتي نفسك بجزالتك وابداعك
ومانتي بحاجه الى احد يعلمك عيني عليك بارده
لاهنتي
تحياتي

[خيالة الشعر]

شهادة اعتز بها من شاعر كبير

وانا لازلت طالبة تحت جناح الشعر وبحوره

لاعدمتك

ودائما سأكون بالجوار

ومنك استفيد

[سناعيس]

هذا وانتي طالبه اجل وشلون لاتخرجتي هههههههه
الله يحييك ياخيالة الشعر
ويسعدني تواجدك
وكل منا سوف يستفيد من الآخر
أجل وشلون بالله نصير فطاحله هههههه

تحياتي

[سناعيس]

يسعد صباح اللي اذا اخطأ تأسف=ويزداد حبه كلما اخطأ وسامحت
ويسعد مسا اللي ما برأيه تعسف=أبداً ويشتاق لرجوعي الى رحت
أقسى بعض أحيان ثم أتحسف=وبداخلي ياما على مفارقه صحت
ماني من اللي يجتهد ويتنسف=لاشفت خطو الزول يمشي وله سحت
بعض البشر خله بحبه تكسف=وبعض البشر والله لولاه مابحت

يمكن تكتمل ..
بس عاد قلت خل نمسك من القريحه شي قبل ماتستبخل علي

[خيالة الشعر]

المشاركة الأصلية كتبت بواسطة النيزك

يسعد صباح اللي اذا اخطأ تأسف=ويزداد حبه كلما اخطأ وسامحت
ويسعد مسا اللي ما برأيه تعسف=أبداً ويشتاق لرجوعي الى رحت
أقسى بعض أحيان ثم أتحسف=وبداخلي ياما على مفارقه صحت
ماني من اللي يجتهد ويتنسف=لاشفت خطو الزول يمشي وله سحت
بعض البشر خله بحبه تكسف=وبعض البشر والله لولاه مابحت

يمكن تكتمل ..
بس عاد قلت خل نمسك من القريحه شي قبل ماتستبخل علي

صعبة قافية الصدر الا كنت بكملها بدالك ههههه
صح لسانك ابيات قمة في الذوق والرومنسية

لاعدمناك
يارب تكتمل

[سناعيس]

صح بدنك ياخيالة الشعر
والله ياليت تكملينها شلت همها
وأكيد راح تكون بحال افضل مماهي عليه الان
الحقي علي تراني بديت اتنح ههههههه
شكرا لمتابعتك ولاهنتي

تحياتي

[كظيم]

الله الله الله
من فتره وانا اتصفح مملكـه مليئـة بالجمـال والروعـه
وجدت الشعر .. النثر .. الابداع
تجوّلت في كل ركن .. وكل قطرة بهــا
مملكة مليئه بالحب .. والدفء
ممكلة لاينقصهـا شيء
فهـي متعـه للمتصفــح
لله درك يالنيزك ودر حرفك ..
تقبلني وتقبل مروري .. وتحمل تواجدي بين الحين والآخـر
كـُن بخير ..